Teatri Kombëtar nis sezonin e ri me komedinë “Kërkohet një tenor”, me regji nga Armand Bora.
Komedia është shkruar nga dramaturgu amerikan, Ken Ludwig, i cili ka shkruar një dyzinë dramash, duke përfshirë muzikalin e suksesshëm “Crazy for you”, me muzikë nga Gershwin.
“Kërkohet një tenor” konsiderohet një nga veprat e tij brilante dhe argëtuese, e cila premirën e pati në Londër në 1986-n dhe u shfaq në Broadway për 14 muaj rresht. Për publikun e kryeqytetit, shfaqja do të vijë në datat 18, 19, 20 dhe 21 shtator, në sallën Centrali 400, tek ArTurbina.
Mundesh me e lexu edhe…
Ngjarja është vendosur në vitet ’30 të shekullit të kaluar, brenda një dhome ndenjeje. Titulli original është një lojë fjalësh për “Më huazo një tenner” (Lend me a tenor), d.m.th., një kartëmonedhë dhjetëdollarëshe, ku nga “tenner” përfundon në “tenor”./ATSH/Katror.info
