Instituti Hidrometeorologjik bën të ditur se në fundjavë parashikohen temperatura të larta, ndërkaq Këshillohet shmangia e ekspozimit të drejtpërdrejtë në diell gjatë orëve të pikut, si dhe përdorimi i masave mbrojtëse për lëkurën dhe sytë.
IHK njofton se të shtunën pritet të mbajë mot kryesisht me diell dhe me vranësira të pakta.
Në disa zona të izoluara, vranësirat mund të sjellin ndonjë rigë shiu kalimtare.
Mundesh me e lexu edhe…
Temperaturat minimale do të lëvizin ndërmjet 12 dhe 16°C, ndërsa ato maksimale pritet të jenë ndërmjet 31 dhe 37°C.
Do të fryjë erë kryesisht nga drejtimi veriperëndimor, me shpejtësi prej 1 deri në 5m/s.
Ndërkaq, të dielën moti do të jetë me diell dhe pjesërisht i vranët.
IHK parashikon vranësira lokale në disa zona, që mund të sjellin riga shiu në formë të rrebesheve afatshkurtra.
Temperaturat minimale do të sillen ndërmjet 11 dhe 17°C, ndërsa ato maksimale ndërmjet 32 dhe 37°C. Do të fryjë erë nga veriperëndimi, me shpejtësi prej 1 deri në 6m/s./Katror.info
