Në kuadër të bashkëpunimit ndërmarrës publik për mjedis më të qëndrueshëm, ndërmarrja publike “Termokos” ka nënshkruar një memorandum bashkëpunimi me Ndërmarrjen “Gjelbër”, përmes të cilit i është dhënë në shfrytëzim një kamionetë që do të ndihmojë në mirëmbajtjen e hapësirave të gjelbërta në kryeqytet, shrkuan Katror.info.
Memorandumi u nënshkrua sot nga Fisnik Osmani, përfaqësues i “Termokos”-it, dhe znj. Nora Cimili Gagica, Kryeshefe Ekzekutive e Ndërmarrjes “Gjelbër”. Ky automjet do të shërbejë për realizimin e punimeve të përditshme të kësaj ndërmarrjeje, me qëllim ruajtjen dhe përmirësimin e hapësirave të gjelbërta në qytet.
“Bashkëpunimi mes ndërmarrjeve publike është me shumë rëndësi për ofrimin e qëndrueshëm të shërbimeve për qytetarët e Prishtinës,” ka theksuar Osmani në postimin e tij. Ai shtoi se ky është një hap tjetër drejt konkretizimit të vizionit për një “Prishtinë të Gjelbër”.
Mundesh me e lexu edhe…
Ky veprim nënvizon përkushtimin institucional për mjedis më të pastër dhe infrastrukturë më funksionale në dobi të qytetarëve./Katror.info
