Ndërmarrja Publike “Termokos” SH.A., pasi ka përfunduar të gjitha përgatitjet e nevojshme, në koordinim të ngushtë me KEK-un, ka filluar të marrë energji termike për të nisur sezonin ngrohës 2025/2026, njofton Termokos përmes një njoftimi në rrjetet sociale.
“Kjo është hera e parë në historinë e ekzistimit të ndërmarrjes që sezoni ngrohës nis tetë ditë para afatit të zakonshëm për fillimin e furnizimit, si reagim i menjëhershëm ndaj përkeqësimit të motit dhe në harmoni të plotë me ligjet në fuqi, përkatësisht me rregulloren e ZRRE-së për furnizim me energji,” thuhet në njoftim.
NP “Termokos” dhe KEK-u po hyjnë në sezonin e dhjetë të bashkëpunimit të suksesshëm, përmes të cilit po sigurohet një furnizim i qëndrueshëm dhe cilësor për mbi 25 mijë konsumatorë, thuhet në njoftim.
Mundesh me e lexu edhe...
Duke qenë se sistemi i ngrohjes është shumë kompleks dhe delikat, procesi i fillimit të operimit do të zhvillohet me kujdes të shtuar, duke e ngritur gradualisht kapacitetin e pranimit dhe shpërndarjes së energjisë termike.
Nga ndërmarrja kërkohet mirëkuptimi i konsumatorëve, ngase nevojiten disa orë derisa ngrohja të arrijë në radiatorët e tyre. /Katror.info
