The Last Dinner Party është një grup britanik rock nga Londra, i formuar në vitin 2021. Pjesë e këtij grupi i cili tashmë po shënon suksese në muzikën ndërkombëtare është edhe vokalistja shqiptare, Aurora Nishevci.
Anëtarët tjerë të grupit janë: Abigail Morris (vokal), Lizzie Mayland (vokal, kitarë), Emily Roberts (kitarë, mandolinë, flaut), Georgia Davies (bas ), shkruan Katror.info.
Ndonëse grupi britanik i rokut The Last Dinner Party shënoi një hit të 10 alternativave më të mira me këngën e tyre debutuese për pesë femrat që përbëjnë grupin, ato ishin përgatitur për këtë moment prej vitesh.
Mundesh me e lexu edhe…
Pesë vajzat e grupit filluan të shkruanin muzikë së bashku në kulmin e pandemisë COVID-19, megjithëse publikimi i tyre erdhi vetëm pas tre viteve, por pritja u shpërblye. “Nothing Matters”, kënga debutuese kinematografike alt-rock që mbërriti në prill, u bë një hit në radio, duke arritur grupi në nivelin e 8-të në tabelën e Billboard për ‘Adult Alternative Airplay’.
Grupi u formua gradualisht, atëherë kur këngëtarja kryesore, Morris u takua me dy koleget, Davies dhe Mayland në vitin 2020 në Londër përpara se të fillonin universitetin dhe vendosën të formojnë një grup pasi morën pjesë në koncerte së bashku në Londër. Emri i tyre origjinal ‘The Dinner Party’ siç thuhet nga grupi ishte frymëzuar nga ideja e një darke të madhe ku njerëzit mblidheshin për të festuar me një banket hedonist. Ndërsa një mik i përbashkët e rekomandoi Robertsin si kitarist te Morris dhe më pas e sollën shqiptarën, Aurora Nishevcin.
Grupi fillimisht u përpoq të gjente kohë për të bërë prova së bashku për shkak të bllokimit të COVID-19, dhe nuk performuan live deri në koncertin e tyre të parë në ‘The George’ në Londër në nëntor 2021.
Kështu, bendi në fjalë, nënshkroi kontratë në prill të 2023-ës, me ‘Island Records’ me po këtë emër artistik që kanë tani, ku pastaj ato publikuan këngën e tyre debutuese “Nothing Matters”, e cila u prodhua nga James Ford, më 19 prill 2023.
Kënga u njoftua më vonë si pjesë e kolonës zanore për ‘EA Sports FC 24’, pastaj vazhduan paraqitjet në disa festivale në Irlandë dhe Evropë, duke përfshirë Glastonbury dhe Latitude, për të vazhduar me pjesëmarrje të drejtpërdrejta, si në shfaqjen e BBC Radio 6 Musi e New Music Fix.
Së fundmi në faqen e tyre në Facebook, ato publikuan ftesën për në Amerikë, në festivalin e famshëm artistik ‘Coachella’ në Kaliforni.
Këngën e tyre të dytë titullohet “Sinner” e publikuar më 30 qershor 2023, dhe këngën e tretë “My Lady of Mercy” më 9 tetor 2023, të dyja të prodhuara gjithashtu nga James Ford.
Ndërkaq, albumi i tyre debutues në studio, Prelude to Ecstasy, është planifikuar të publikohet më 2 shkurt 2024. Turneu i parë i grupit si kryefjalë ishte në Britani të Madhe dhe në SHBA, duke filluar në tetor 2023. /Katror.info
Përgatiti:
