Është themeluar Grupi Koordinues Ndërinstitucional për Mbrojtjen e Trashëgimisë Kulturorem, i cili ka për qëllim të hartojë dhe zbatojë masa konkrete që rrisin efikasitetin në mbrojtjen e monumenteve dhe trashëgimisë kulturore të Kosovës.
Kështu ka bërë të ditur Ministria e Kulturës, Rinisë dhe Sportit, e cila nëpërmjet një shkrimi në Facebook, këtë të arritur e ka cilësuar angazhim për duqizimin e bashkëpunimit institucional për të siguruar mbrojtjen e trashëgimisë kulturore.
”Në kuadër të angazhimit për fuqizimin e bashkëpunimit ndërinstitucional dhe për të siguruar mbrojtjen e trashëgimisë sonë kulturore, u themelua Grupi Koordinues Ndërinstitucional për Mbrojtjen e Trashëgimisë Kulturore. Ky grup ka për qëllim të hartojë dhe zbatojë masa konkrete që rrisin efikasitetin në mbrojtjen e monumenteve dhe trashëgimisë kulturore të Kosovës”, thuhet në njoftim.
Mundesh me e lexu edhe…
Grupi përbëhet prej 7 anëtarëve nga përfaqësuesit më të lartë të institucioneve tona:
– Ministri i Kulturës, Hajrulla Çeku
– Ministrja e Drejtësisë, Albulena Haxhiu
– Ministri i Infrastrukturës, Liburn Aliu
– Zëvendësministri i Punëve të Brendshme, Blerim Gashani
– Përfaqësuesi i Këshillit Gjyqësor të Kosovës, Valon Totaj
– Përfaqësuesja e Këshillit Prokurorial të Kosovës, Ariana Shajkovci
– Përfaqësuesi i Policisë së Kosovës, Arbnesh Ajvazi
Sipas njoftimit, në takimet e rregullta që do të zhvillojë grupi koordinues, do të diskutohet dhe do të vendoset për hapat që do të ndërmerren për të siguruar që masat dhe politikat e mbrojtjes së trashëgimisë të jenë gjithmonë në përputhje me sfidat dhe nevojat aktuale. /Katror.info
Përgatiti:
