Big Basta, MC Kresha dhe Lyrical Son kanë bashkuar së fundmi forcat dhe kanë publikuar këngën e re “Ti m’ke braktis”, një projekt që bashkon tingujt e hip- hop-itmodern me influencat e muzikës shqiptare tradicionale.
Për Mc Kreshën dhe Lyrical Son, dy miqtë e vjetër, nuk është hera e parë që përfshijnë elemente të muzikës qytetare dhe popullore në krijimet e tyre, pasi korrën shumë sukses me këngën “Shake It”.
Kënga e re, “Ti m’ke braktis”, është një tjetër shembull i krijimtarisë së tyre, që ndërthur emocionin dhe melankolinë e muzikës shqiptare me ritmet bashkëkohore. Kjo këngë është frymëzuar nga kënga legjendare “Kur gjethet bien në vjeshtë” të Rudolf Stambollës, duke krijuar një version të ri, ku hip-hopi dhe tingujt modernë përçojnë një atmosferë të fuqishme emocionale. Teksti ruan ndjeshmërinë e këngës origjinale, ndërkohë që sjell perspektiva personale nga secili artist për përjetimin e dhimbjes dhe tradhtisë.
Mundesh me e lexu edhe…
Krijimi i “Ti m’ke braktis” është një homazh ndaj mjeshtrit të muzikës shqiptare, Rudolf Stambolla, i cili ka kontribuar me një melodi të paharrueshme.
Përveç muzikës, videoklipi është një tjetër element i veçantë që i jep jetë këngës. Ai është i drejtuar nga Emiljo Leka dhe sjell një rikthim të Shkodrës në vitin 1948, një periudhë e mbushur me bukuri dhe nostalgi. Me detaje të kujdesshme që pasqyrojnë epokën e pas Luftës së Dytë Botërore, videoklipi rikthen bukurinë dhe elegancën e asaj kohe.
Ky projekt jo vetëm që i ofron dëgjuesve një këngë të fortë dhe emocionuese, por gjithashtu krijon një urë lidhëse mes brezave, duke pasuruar kulturën dhe traditën shqiptare./Living.al
Përgatiti:
