Këngëtari 77-vjeçar, Elton John, është zgjedhur “Ikona e vitit 2024” nga revista TIME, përcjell KOHA.
Ai thënë se ka ndjerë që një “forcë më e lartë” e ka mbrojtur dhe udhëhequr gjatë gjithë jetës së tij, duke e ndihmuar të kalojë sfidat e shumta.
Këngëtari me famë botërore ka treguar se ka “besim” në një “fuqi më të lartë”, ani pse nuk beson shumë në “Zotin biblik”.
“Nuk besoj shumë te ‘Zoti biblik’, por kam besim. Një lloj fuqie ‘më e lartë’ është kujdesur për mua gjatë gjithë jetës, më ka udhëhequr t’i tejkaloj problemet me drogën, depresionin e vetminë. Ka qenë aty gjithmonë, mendoj. Thjesht nuk e kam pranuar”, ka thënë ai për TIME.
John ka pasur karrierë jashtëzakonisht të suksesshme në muzikë, me shumë çmime dhe arritje, por ai e pranon se ka më shumë në jetë sesa fama dhe suksesi.
Ai ka folur edhe rreth asaj se për çfarë dëshiron të kujtohet kur bëhet fjalë për jetën e tij personale.
“Nëse njerëzit do të më mbajnë mend që u përpoqa të ndryshoja botën pak, sillesha mirë, u përpoqa të ndihmoj njerëzit, dhe pastaj, nga ana tjetër, ishte muzika”.
Kur u pyet për trashëgiminë e tij personale, John ka thënë se dëshiron të mbahet mend si një “bashkëshort i shkëlqyer dhe një baba edhe më i mirë”.
Ai ka dy djem, Zachary (13 vjeç) dhe Elijah (11 vjeç), me bashkëshortin e tij David Furnish.
John më herët pati theksuar se jeta familjare është shumë më e rëndësishme se karriera e tij muzikore.
“Muzika ime flet vetë. Trashëgimia ime është që isha një bashkëshort i shkëlqyer dhe një baba edhe më i mirë. Muzika, karriera është fantastike. Ka qenë shumë e jashtëzakonshme, ka ndikuar shumë. Por gjëja më e rëndësishme për mua në jetën time është të sigurohem që fëmijët e mi janë të lumtur, që ata të kenë një jetë të shkëlqyer dhe që unë isha i mirë me ta. Kjo është ajo që ka rëndësi”, pati thënë ai në në intervistë për Good Morning America./Katror.info
Përgatiti:
