Jericho, një nga grupet më ikonike në skenën rock të Kosovës, do të ngjitet në skenën e Pallatit të Rinisë më 15 shkurt për të festuar Ditën e Pavarësisë së Kosovës.
I njohur për stilin e tij unik Gheg Rock, Jericho sjell një ndërthurje mes rock-ut, metalit dhe tingujve tradicionalë shqiptarë, që ndërthur bashkëkohoren dhe tradicionalen, të cilat sipas njoftimit të sillen në performancën e kësaj date.
Petrit Çarkaxhiu, i njohur si Rrusta, është një këngëtar dhe autor këngësh i njohur, i cili që nga viti 2001 ka qenë pjesë kyçe e grupit Jericho. Fillimisht i njohur si “Jericho Walls”, grupi kosovar ka evoluar në tingullin e tij, duke kaluar nga një stil më i ashpër rap-core që shpesh u ka sjellë krahasime me bandën legjendare ”Rage Against the Machine”, në një qasje më të ekuilibruar rock, e pasuruar me motive folklorike shqiptare.
Mundesh me e lexu edhe…
Tekstet e tyre, të shkruara kryesisht në dialektin gegë, janë një homazh për trashëgiminë kulturore të Kosovës, duke trajtuar tema si liria, identiteti dhe uniteti kombëtar.
Duke u inspiruar edhe nga publicistë e shkrimtarë shqiptarë me ndikim, u soll edhe kënga ‘’Ëndërr e prerë’’, me titull origjinal dhe me vargjet e recitalit nga poezia e Dritero Agollit.
Sikurse ”Endërr e prerë”, edhe ‘’Zgjohu’’ ka një frymë ‘himnisitike’ të krenarisë kombëtare.
E ngjashëm, me një qasje artistike dhe mesazh të thellë, Jericho ka sjellë në skenën alternative të Kosovë edhe këngën ”Kënga jonë”, një muzikë për familjen, duke e vendosur në thelb rëndësinë e nënës dhe unitetit familjar tradicional.
Si vokalist dhe figurë udhëheqëse e grupit, Rrusta ka kontribuar në krijimin e një identiteti të veçantë muzikor, duke sjellë tekste në dialektin gegë dhe një stil që dallon nga rrymat e zakonshme të rock-ut shqiptar.
Muzika e këtij bendi ka në foksu historinë e Kosovës, duke kombinuar rrëfimet poetike që pasqyrojnë luftën, qëndresën dhe triumfin e popullit shqiptar.
Qysh në fillim të viteve 2000, Jericho krijoi një hapësirë unike në skenën muzikore shqiptare duke përfshirë elemente të instrumenteve tradicionale, si çiftelia dhe lahuta, në tingujt e tyre të fuqishëm rock.
Ndërsa, koncerti i 15 shkurtit, do të mbahet në Pallatin e Rinisë, një hapësirë e shumë momenteve të rëndësishme kulturore ndër vite.
Si një grup që gjithmonë ka qëndruar në kryqëzimin mes muzikës dhe aktivizmit, performanca e Jericho premton të jetë më shumë se një koncert, ajo pritet të jetë një festë e shpirtit të Kosovës dhe një përkujtim i vlrave dhe elementeve strukturore të shoqërisë sonë.
Biletat janë shumë të kufizuara, ndaj ju mund ta siguroni atë tani në këtë link. /Katror.info
Përgatiti:
