Horizonti i kryeqytetit shqiptar pritet të transformohet me tetë ndërtesa me dizajne unike, dhe disa prej tyre tashmë janë drejt përfundimit.
Time Out e ka renditur së fundmi Tiranën si një nga destinacionet më të mira në Evropë për një pushim të shkurtër në 2025 (ajo gjithashtu është përfshirë në listën e qyteteve më të lira në Evropë).
Por nëse e keni vizituar më parë dhe po planifikoni një tjetër udhëtim, herën tjetër mund ta gjeni disi ndryshe.
Mundesh me e lexu edhe…
Sipas raportimeve të Dezeen, tetë rrokaqiej të rinj janë planifikuar ose janë aktualisht në ndërtim në të gjithë qytetin dhe nuk janë ndërtesa të zakonshme: gjithçka, nga një hartë abstrakte e Shqipërisë deri te fytyra e një prej heronjve kombëtarë të vendit, është integruar në këto dizajne ambicioze. Le t’i hedhim një sy.
Studioja holandeze e dizajnit MVRDV është përgjegjëse për dy prej projekteve, i pari prej të cilëve është Ndërtesa Skënderbeu. Ajo është pothuajse e përfunduar dhe shërben njëkohësisht si një ‘skulpturë figurative’ e Gjergj Kastriotit, komandantit ushtarak që udhëhoqi kryengritjen kundër Perandorisë Osmane ai njihet në vend si Skënderbeu.
Projekti tjetër i MVRDV është Downtown One, i cili do të bëhet ndërtesa më e lartë në Shqipëri kur të hapet më vonë këtë vit.
“Dhjetë vjet më parë ishte vendi më i varfër në Evropë. Tani është një vend me energji dhe ambicie, duke punuar drejt përmirësimeve të mëdha ekonomike,” tha Winy Maas, bashkëthemelues i MVRDV.
“Ne duam ta shprehim këtë përmes ndërtesës sonë”, theksoi ai.
Edhe studioja portugeze OODA ka dy projekte në zhvillim: Hora Vertikale, një ndërtesë e përbërë nga 13 kube të shkallëzuara, secili me shtatë kate apartamente, dhe Bond Tower, një rrokaqiell që duket sikur përbëhet nga dy ndërtesa të ndara që anojnë në drejtime të kundërta.
Më pas kemi Rrugën Adem Jashari, e cila, kur të përfundojë, do të kalojë Downtown One duke u bërë ndërtesa më e lartë në Shqipëri, ndërsa Puzzle Tirana kombinon forma abstrakte dhe hapësira të gjelbëruara si një përpjekje për të bashkuar urbanen dhe rurale.
Tirana Vertical Forest shkon edhe më tej në konceptin e gjelbërimit, duke përfshirë 3,200 shkurre dhe 145 pemë, të cilat do të bashkëjetojnë me 105 apartamente.
Së fundmi, New Boulevard do të jetë një ndërtesë me funksione të përziera, e cila do të ngushtohet ndërsa rritet në lartësi.
Ajo është planifikuar si pjesë e një qendre të re kulturore në veri të Tiranës.
Më shumë rreth këtyre ndërtesave (dhe arkitektëve të tyre) mund të lexoni në Dezeen. /Katror.info
Përgatiti:
