Boksieri kosovar Robin Krasniqi është rikthyer me një fitore të madhe në ring, pas një mungese pothuajse dyvjeçare.
Krasniqi sot, triumfoi ndaj numrit një të Belgjikës, Timur Nikarkhoev, të cilin e detyroi që ta dorëzojë meçin.
35-vjeçari tregoi formë të lartë, që nga fillimi e deri te përfundimi i meçit.
Mundesh me e lexu edhe…
Krasniqi fitoi pas rundit të pestë, pasi kundërshtari u dorëzua. Meçi u mbajt të shtunën mbrëma në Mynih të Gjermanisë.
Ishte meçi i parë që nga tetori i vitit 2021.
Meçi nuk ishte për ndonjë titull. Por fitorja i ndihmon atij të kthehet në luftërat për titujt e botës.
52 fitore e shtatë humbje është bilanci i Krasniqit pas meçit të sotëm.
Nikarkhoev regjistroi humbjen e pestë në karrierë krahas 26 fitoreve që ka.
Shefat Isufi, Valon Ahmeti, Kushtrim Tahirukaj, Musa Avdimetaj, i njohur si James Kraft, Isuf Kelmendi e Armend Xhoxhaj ishin boksierët shqiptarë që luajtën në parameçe sonte në Mynih. Të gjithë fituan.
Pas meçit, Krasniqi ka përshëndetur mbështetësit e tij në Mynih dhe familjen Jashari, pasi i pranishëm në sallë ishte Rifat Jashari./Katror.info
Përgatiti:
