Pothuajse 11 milionë britanikë i lajnë çarçafët vetëm një herë në muaj, zbulon një sondazh i fundit i YouGov, i cili hedh dritë mbi zakonet e higjienës në dhomën e gjumit. Sipas të dhënave, një në tre persona pranon se pret të paktën dy javë përpara se t’i fusë çarçafët në lavanderi.
Ekspertët paralajmërojnë se kjo praktikë mund të lidhet me disa probleme shëndetësore. Një hulumtim i ri ka identifikuar katër gjendje shëndetësore që mund të shkaktohen ose përkeqësohen nga moslarja e shpeshtë e rrobave të shtratit, dy prej të cilave konsiderohen si “vrasës të heshtur”, përcjell TAR.
Përveç çarçafëve, vëmendje e veçantë duhet t’u kushtohet edhe jastëkëve – një element që shpesh neglizhohet. Vetëm kur shfaqen dhimbjet në qafë dhe shpinë, shumë njerëz fillojnë të dyshojnë se problemi lidhet me jastëkun.
Mundesh me e lexu edhe...
Ekspertja e mirëqenies së shtëpisë, Keren Yu, ka shpjeguar për The Spruce se jastëkët, me kalimin e kohës, humbin formën dhe mbështetjen e duhur, gjë që mund të shkaktojë dhimbje në qafë, shpinë dhe shpatulla, si dhe ngurtësi në mëngjes apo dhimbje koke.
Sipas saj, ekziston një test i thjeshtë për të kuptuar nëse jastëku duhet ndërruar: paloseni përgjysmë dhe mbajeni ashtu për rreth 30 sekonda. Nëse pas lirimit nuk kthehet në formën e tij fillestare, është koha për ta zëvendësuar. Po ashtu, nëse jastëku nuk është më i fryrë dhe i butë si më parë, kjo është një shenjë tjetër se ai nuk ofron më rehatinë e nevojshme.
Ekspertët kujtojnë se edhe jastëkët kanë afat përdorimi. Shumë prej tyre përmbajnë në etiketë një datë orientuese, e cila mund të shërbejë si udhëzues se kur duhet blerë një i ri, për të garantuar gjumë më të shëndetshëm dhe cilësor. /Katror.info
