Presidenti amerikan Donald Trump tha se një marrëveshje me Kinën për TikTok-un është “në tryezë”, pavarësisht përshkallëzimit të luftës tregtare midis Uashingtonit dhe Pekinit.
Javën e kaluar, Trump zgjati afatin për shitjen e detyruar të TikTok me 75 ditë, duke lejuar platformën e njohur të mediave sociale të vazhdojë të funksionojë në SHBA.
“Kina nuk është shumë entuziaste për nënshkrimin. Ne kemi një marrëveshje me disa njerëz shumë të mirë, disa kompani shumë të pasura, të cilët do të bënin një punë të shkëlqyeshme me të, por do të duhet të presim dhe të shohim se çfarë do të ndodhë me Kinën. Është shumë në tryezë. Mendoj se Kina do të dëshirojë ta bëjë këtë”, tha mbrëmë Trump në Zyrën Ovale, raporton AA.
Mundesh me e lexu edhe…
Pronari i TikTok, ByteDance, thotë se negociatat me SHBA-në po vazhdojnë, por se çdo marrëveshje me Uashingtonin do t’i nënshtrohet ligjit kinez.
E ardhmja e TikTok ka mbetur e pasigurt pasi legjislacioni i nënshkruar nga ish-presidenti amerikan Joe Biden kërkonte që ByteDance të shiste platformën ose të përballej me një ndalim.
Disa kompani amerikane, përfshirë Amazon, thuhet se kanë ofruar të marrin përsipër platformën e ndarjes së videove.
Zhvillimet rreth Tik-Tok vijnë në kohën kur Trump njoftoi një pauzë 90-ditore për tarifat ndaj shumicës së vendeve, por jo edhe për Kinën ndaj së cilës ngriti së fundi tarifën në 145 për qind, transmeton KosovaPress./Katror.info
Përgatiti:
