Presidenti i sapozgjedhur, Donald Trump, ka nominuar të mërkurën senatorin e Floridës, Marco Rubio për Sekretar të Shtetit, raporton “BBC”.
Mediat amerikane kanë raportuar të martën se Rubio pritet të emërohej në këtë pozitë.
“Marco është një udhëheqës shumë i respektuar dhe një zë shumë i fuqishëm për lirinë. Ai do të jetë një avokat i fortë për kombin tonë, një mik i vërtetë për aleatët tanë dhe një luftëtar i patrembur që nuk do të tërhiqet kurrë para kundërshtarëve tanë”, ka thënë Trump në një deklaratë, percjell koha.
Mundesh me e lexu edhe…
Senatori nga Florida, Marco Rubio, ka thënë se do të sjellë “paqen përmes forcës”.
“Udhëheqja e Departamentit të Shtetit të SHBA-së është një përgjegjësi e jashtëzakonshme dhe unë jam i nderuar nga besimi që presidenti Trump më ka dhënë”, ka shkruar ai në X, raporton BBC.
Ai ka shtuar se si sekretar i Shtetit do të punojë çdo ditë për ta realizuar agjendën e politikës së jashtme të presidentit Trump.
“Nën udhëheqjen e presidentit Trump, ne do të sjellim paqen përmes forcës dhe do të vendosim gjithmonë interesat e amerikanëve dhe Amerikës mbi gjithçka tjetër. Mezi pres të fitoj mbështetjen e kolegëve të mi në Senatin amerikan, në mënyrë që presidenti të ketë ekipin e tij të sigurisë kombëtare dhe politikës së jashtme në vend kur të marrë detyrën më 20 janar”, ka shtuar ai.
Trumpi ka nominuar edhe Tulsi Gabbard si drejtoreshë të Inteligjencës Kombëtare, ndërkaq kongresistin Matt Gaetz nga Florida si Prokuror të Përgjithshëm.
“Matt do t’i japë fund qeverisë së armatosur, do të mbrojë kufijtë tanë, do të shpërbëjë organizatat kriminale dhe do të rivendosë besimin e shkatërruar keq të amerikanëve në Departamentin e Drejtësisë”, ka shkruar Trump në platformën e tij “Truth Social”.
Përgatiti:
