Uta Ibrahimi, alpinistja e njohur nga Kosova, po merr pjesë në ITB Berlin, panairin më të madh dhe më të rëndësishëm të turizmit në botë.
Ajo po prezanton Kosovën dhe bukuritë malore të vendit, duke vënë theksin në Kosovën si një destinacion të përshtatshëm për ecje malore.
ITB Berlin ofron mundësinë ideale për të prezantuar mundësitë e turizmit aktiv në Kosovë dhe për të ngritur reputacionin e vendit në industrinë globale të turizmit.
Mundesh me e lexu edhe…
“Jam shumë e emocionuar që jam këtu në ITB Berlin, panairin më të madh të turizmit në botë. Kam ardhur për të prezantuar Kosovën dhe mundësitë për ecje malore që Kosova ofron, duke përfshirë projektin High Scardus Ultra – një projekt që është shumë i dashur për mua. Gjermanët vërtet ndajnë dashurinë për ecjen malore dhe kulturën, ashtu siç ka bërë Ambasadori i Gjermanisë, i cili ka eksploruar malet e mrekullueshme të Kosovës. ITB Berlin është skena ideale për të rritur reputacionin e Kosovës si një destinacion kryesor për sportet në natyrë”, thotë Uta Ibrahimi në videon e publikuar në rrjete sociale, nga Amasada Gjermane në Prishtinë.
ITB Berlin është ngjarja kryesore globale për industrinë e turizmit, e mbajtur çdo vit që nga viti 1966. Ajo mbledh profesionistë dhe vendimmarrës nga e gjithë bota për të eksploruar mundësitë e tregut të turizmit.
Panairi është i strukturuar qartë: përveç ndarjes gjeografike sipas destinacioneve, janë të përfaqësuara segmente të ndryshme të tregut si Turizmi i Aventurës, Udhëtimet e Biznesit, Turizmi LGBTQ+, Turizmi Luksoz, Turizmi Mjekësor dhe Teknologjia e Udhëtimeve.
Përveç panairit, zhvillohet edhe ITB Berlin Convention, një forum ku ekspertët diskutojnë tendencat dhe risitë që formojnë të ardhmen e turizmit. /Katror.info
Përgatiti:
