Për të bindur amerikanët se automjetet autonome janë të sigurta, Hyundai lejoi një ekzaminues të certifikuar DMV (Departamenti i Automjeteve) të vlerësonte aftësitë e tij.
Rreth 66 për qind e amerikanëve kanë frikë nga automjetet autonome, 25 për qind janë të pasigurt për këtë teknologji dhe vetëm 9 thonë se u besojnë robotëve taksi. Në përpjekje për të ndryshuar këtë situatë, Hyundai ka dhënë Ioniq 5 vetë-drejtues për të testuar automjetin në Las Vegas.
Vetura kaloi një test drejtimi shumë të ngjashëm me atë që kalojnë drejtuesit e mjeteve në procesin e marrjes së patentës. Gjatë testit, ekzaminuesja e DMV-së, Kandice Jones, me 25 vjet përvojë, ishte në ulësen e pasagjerit, duke gjurmuar gjithçka, nga gjatësia e ndalimit deri tek ndryshimet e korsisë. Ajo është shumë e rreptë dhe përqindja e kandidatëve që e kalojnë provimin e saj është vetëm 16 për qind.
Mundesh me e lexu edhe...
“Kam rrëzuar mijëra e mijëra kandidatë në interes të sigurisë publike. Kriteret janë të njëjta si për njerëzit. Kam gjurmuar shpejtësinë, riorganizimet, manovrat, ndalimin, drejtimin në korsi, kohën e reagimit dhe më shumë”, tha Jones.
Pavarësisht standardeve të larta, Ioniq 5 Robotaxi i bëri përshtypje dhe ajo i dha një notë kaluese. Edhe pse nuk ka asnjë rëndësi zyrtare, Hyundai shpreson se ky test do të ushqejë më shumë besim në automjetet autonome.
Teknologjia ka marrë shumë vëmendje vitet e fundit, por ka pasur gjithashtu probleme me teknologjinë e asistencës së shoferit të nivelit të dytë, si Autopilot i Tesla-s, dhe le të mos harrojmë shpërthimin e degës autonome të GM, Cruise.
Megjithatë, teknologjia mund të jetë e dobishme për njerëzit me probleme të ndryshme që i pengojnë ata të drejtojnë vetë. Gjithashtu, kompanitë mund të kursejnë para duke përdorur automjete autonome për flotën e tyre.
Ioniq 5 Robotaxi i Hyundai u zhvillua në bashkëpunim me Motional. Bashkëpunimi shumëvjeçar u ka mundësuar atyre të vendosin automjete autonome në rrugët publike në Nevada dhe Kaliforni, si dhe në vende të tjera./Katror.info
Përgatiti:
