Dizajneri gjerman Joerg Zuber nga Mynihu krijoi një avatar virtual të quajtur Noonoouri në vitin 2018 dhe e përdori me sukses në fushatat reklamuese të shtëpive të famshme të modës, duke përfshirë Dior, Balenciaga dhe Valentino.
Ndërkohë, Noonoouri është kthyer në një influencuese të njohur virtuale e cila numëron rreth 406 mijë ndjekës në Instagram dhe së fundmi ka hyrë në skenën muzikore me këngën dhe videoklipin e saj të parë pop në YouTube të quajtur Dominoes, shkruan Katror.info.
Përveç kësaj, Noonouri sapo u bë artistja e parë virtuale që nënshkroi një kontratë me Warner Music, e cila së shpejti do të publikojë albumin e saj të parë.
Mundesh me e lexu edhe...
Menjëherë pas publikimit, videoja shkaktoi polemika të shumta dhe komente të ndara, më së shumti për shkak të paraqitjes së këngëtares virtuale, trupi i së cilës duket si një vajzë 12-vjeçare, ndonëse Zuber shprehimisht ka theksuar se bëhet fjalë për një artiste virtuale 18-vjeçare.
Dizajneri gjerman vë në dukje gjithashtu se Noonoouri nuk u krijua nga inteligjenca artificiale, por nga grafika e gjeneruar nga kompjuteri (CGI), ku teknologjia e kapjes së lëvizjes u përdor për lëvizjet e yllit virtual, marrë nga sensori i lëvizjes së vetë Zuberit, i cili po kërcente në një kostum mocap, dhe më pas i futi në një animacion që u punua nga një ekip grafikësh kompjuterik dhe animatorësh, siç shpjegon vetë Noonouri në këtë video.
Sa i përket përdorimit të inteligjencës artificiale, Zuber thotë se AI është përdorur vetëm në formësimin e zërit, kështu që ai nuk dëshiron ta shpall Noonoouri një këngëtar AI.
Kjo i jep atij mundësinë që të dërgojë këngën (nëse bëhet e njohur) për çmime muzikore si Grammy, juria e së cilës së fundmi tha se nuk do të pranojë nominimet e këngëve të bëra nga inteligjenca artificiale./Katror.info
Përgatiti:
