Xherdan Shaqiri ka shkëlqyer këtë sezon me Baselin në Superligën zvicerane, duke fituar çmimin e lojtarit më të mirë për muajin maj dhe duke ndihmuar ekipin të sigurojë titullin kampion.
Ylli shqiptar përfundoi sezonin me statistika të jashtëzakonshme: 18 gola dhe 21 asistime – një arritje që e bën këtë sezonin më produktiv të karrierës së tij.
Sipas të dhënave të publikuara nga platforma statistikore SofaScore, Shaqiri ka qenë lider në renditjen e lojtarëve më të mirë për edicionin 2024/25, me një notë mesatare 8.0 – diferencë e qartë nga të tjerët.
Mundesh me e lexu edhe...
Kapiteni i Baselit ka qenë i pakapshëm në sulm: 31 raste të pastra të krijuara për gol dhe mesatarisht mbi 3 pasime kyçe për ndeshje. Ai ka goditur portën më shumë se dy herë për ndeshje, duke konfirmuar rolin e tij si motor i ofensivës së ekipit.
Ky sukses e forcon pozitën e Shaqirit si një nga figurat më të spikatura të kampionatit dhe e vendos në qendër të vëmendjes për sfidat e radhës me kombëtaren zvicerane./Katror.info
