“European Cybersecurity Challenge 2024” po zhvillohet nga data 7 deri më 11 tetor 2024, në Torino, Itali dhe Kosova atje po përfaqësohet nga studenti i dalluar kosovar, Yll Berisha, si pjesë e Kosova Cyber Team.
“Sot, për herë të parë Kosova Cyber Team po merr pjesë në Europian Cybersecurity Challenge 2024, në Torino të Italisë, së bashku me më të mirët e 35 shteteve tjera.
Yll Berisha është anëtari më i ri e ekipes tonë. Angazhimi dhe përkushtimi i tij që nga dita e parë e përgatitjeve më jep shpresë për të ardhmen e sigurt, edhe të Kosovës , në botën digjitale”, shkroi profesori universitar në UP, Blerim Rexha në rrjetet sociale.
Mundesh me e lexu edhe…
Kosova Cyber Team po merr pjesë në Sfidën Evropiane të Sigurisë Kibernetike (ECSC) 2024 me dhjetë entuziastë të rinj të sigurisë kibernetike. Pjesë e ekipës janë Korab Keqekolla, Abian Morina, Andi Ahmeti, Dea Rexha, Enes Hamza, Erina Blakiqi, Gerta Hodolli, Malsor Abdyli, Roni Veseli dhe Yll Berisha.
Kjo është pjesëmarrja e parë e Kosovës në ECSC, dhe ata po hyjnë si “pjesëmarrës mysafir”, krahas vendeve të tjera jashtë BE-së, në një përpjekje për të nxitur ndërgjegjësimin për talentin dhe sigurinë kibernetike në të gjithë Evropën dhe më gjerë.
Kjo ngjarje është garë e madhe e sigurisë kibernetike që synon identifikimin dhe edukimin e talenteve të rinj në këtë fushë.
Ngjarja organizohet nga Agjencia Kombëtare e Sigurisë Kibernetike e Italisë dhe Laboratori Kombëtar i Sigurisë Kibernetike, si dhe mbështetet nga Agjencia e Bashkimit Evropian për Sigurinë Kibernetike (ENISA).
Ekipet nga 37 vende do të konkurrojnë në sfidat Capture-The-Flag (CTF), si në formatet e stilit Jeopardy ashtu edhe ato të Attack-Defense, për të kërkuar titullin e kampionit evropian.
Qëllimet e konkursit përfshijnë promovimin e ndërgjegjësimit për sigurinë kibernetike, trajnimin e talenteve të rinj dhe inkurajimin e karrierës në sigurinë kibernetike. Edicioni i këtij viti përmban gjithashtu një ngjarje garim për startup-et italiane të sigurisë kibernetike, duke u ofruar atyre mundësi rrjetëzimi me investitorët dhe liderët e industrisë./Katror.info
Përgatiti:
