YouTube ka njoftuar një përmirësim të madh të aplikacionit për TV, me mjete të reja për krijuesit, pamje më të qartë dhe integrim më të mençur të blerjeve.
Me që gjithnjë e më shumë njerëz sot shikojnë YouTube në televizorë, kompania thotë se disa kanale kanë arritur mbi 45 për qind të të ardhurave pikërisht nga ekranet e TV-së, ndërsa disa të tjera edhe shuma gjashtëshifrore, shkruan Telegrafi.
Për këtë arsye, YouTube po sjell funksione të reja që, siç thonë ata, “e shndërrojnë TV-në në vendin më të mirë për të shikuar përmbajtje.” Krijuesit së shpejti do të mund të ngarkojnë miniatura (thumbnails) deri në 50 MB, që do të thotë se pamjet paraprake të videove do të duken dukshëm më të mprehta në ekranet 4K. Në fazë testimi është edhe mbështetja për skedarë video më të mëdhenj, gjë që do ta përmirësojë cilësinë e përmbajtjes.
Mundesh me e lexu edhe…
Gjendet edhe funksioni i ri me inteligjencë artificiale “Super Resolution”, i cili përmirëson automatikisht videot e vjetra nga cilësia SD në HD, madje deri në 4K. Krijuesit mund të zgjedhin vetë nëse duan ta aktivizojnë këtë opsion, ndërsa shikuesit mund të zgjedhin rezolucionin origjinal në cilësimet e tyre.
YouTube to enhance old videos using AI
The platform is launching a new feature called Super Resolution, which automatically upgrades the quality of older videos to 1080p — even if they were originally uploaded in 240p.
Original files will be preserved, and creators will have… pic.twitter.com/FTJHd7wAQW— NEXTA (@nexta_tv) October 30, 2025
Aplikacioni për TV po merr gjithashtu një pamje të re të kanaleve. Faqja kryesore e re ofron shfletim më të shpejtë dhe një mënyrë të re për të paraqitur serialet (Shows), që lejon organizimin e videove.
Edhe kërkimi është përmirësuar: tani, kur kërkoni brenda një kanali të caktuar, fillimisht shfaqen videot e atij krijuesi, duke e bërë më të lehtë gjetjen e përmbajtjes.
Për adhuruesit e blerjeve, YouTube po prezanton një opsion që lejon skanimin e një kodi QR nga videoja në TV dhe hapjen e faqes së produktit direkt në telefon.
Po testohen gjithashtu edhe “etiketat inteligjente të produkteve” që shfaqen gjatë momenteve kyçe të videos, në mënyrë që përdoruesit të mund të blejnë menjëherë atë që shohin. /Katror.info
