Festivali i shumëpritur ZA Fest rikthehet në Shkodër në edicionin e tij të nëntë, duke sjellë emocione të reja artistike në datat 24, 25 dhe 26 korrik 2025.
Për tri netë me radhë, atmosfera unike e Kalasë së Rozafës do të marrë jetë nga muzika dhe performancat që ndërthurin modernitetin me frymën tradicionale shqiptare, raporton Katror.info.
Në mesin e artistëve që do të performojnë këtë vit janë emra të njohur si: Armend Rexhepagiqi, Rednex, MC Kresha & Lyrical Son, Casadilego, Petrit Çarkaxhiu, Arbër Agalliu, Lorik Cana dhe Rafael Hoxhaj.
Mundesh me e lexu edhe…
ZA Fest është themeluar nga artisti Vlashent Sata dhe tashmë është kthyer në një ngjarje kulturore të përvitshme, që nderon trashëgiminë artistike shqiptare dhe e sjell atë në një formë bashkëkohore për audiencën e sotme.
Skenat e festivalit janë të vendosura në vende ikonike të Shkodrës – Kalaja e Rozafës, shtëpitë muze, si dhe në natyrën mahnitëse të Luginës së Thethit, duke i dhënë çdo performance një karakter të veçantë dhe autentik./Katror.info
