Dy ish-anëtarët e famshëm të grupit “One Direction”, Zayn Malik dhe Louis Tomlinson, do të rikthehen së bashku në një projekt të ri televiziv.
Ata kanë njoftuar më 2 tetor se po bashkojnë forcat për një serial me tre pjesë në platformën Netflix. Projekti i ri do t’i paraqesë dy këngëtarët në një udhëtim me makinë nëpër Amerikë, në një aventurë spontane plot rilidhje, eksplorim dhe humor.
Seriali, i cili drejtohet nga Nicola Marsh dhe prodhohet nga Campfire Studios, do të sjellë një anë më intime të artistëve. Zayn dhe Louis do të flasin hapur për jetën e tyre personale, për dashurinë, humbjet dhe përvojat e tyre si prindër.
Mundesh me e lexu edhe...
Ende nuk është caktuar data e publikimit, por pritjet janë të larta, pasi ky projekt shënon një bashkim të shumëpritur të dy prej figurave më të dashura të “One Direction”./KultPlus/Katror.info
