Për herë të parë, foshnja kanë lindur të lira nga një sëmundje trashëguese vdekjeprurëse, falë një procedure revolucionare IVF që përdor ADN nga tre persona.
Metoda, e zhvilluar nga shkencëtarët në Mbretërinë e Bashkuar, kombinon vezën dhe spermën e prindërve me një vezë të dytë nga një donatore.
Kjo teknikë ka treguar se parandalon nënat nga transmetimi i sëmundjes mitokondriale – një sëmundje e pashërueshme që mund të shkaktojë paaftësi të rënda apo edhe vdekje te foshnjat.
Mundesh me e lexu edhe…
Deri tani, tetë foshnje janë lindur të shëndetshme përmes kësaj metode, shkruan Positive News, përcjell Katror.info.
Familjet që morën pjesë në këtë provë klinike kanë zgjedhur të mbeten anonime, por përmes Qendrës së Fertilitetit në Newcastle, ndanë emocionet e tyre:
“Pas viteve të pasigurisë, ky trajtim na dha shpresë – dhe më pas na dha foshnjën tonë,” – tha nëna e një vajze të porsalindur. “E shohim tani, plot jetë dhe mundësi, dhe jemi të mbushur me mirënjohje.”
Prof. Doug Turnbull, autor i lartë i studimit të publikuar, shtoi: “Lajmi i sotëm ofron shpresë të re për shumë gra që rrezikojnë të trashëgojnë këtë sëmundje – gra që tani mund të kenë fëmijë që rriten pa këtë sëmundje të tmerrshme.”/Katror.info
