Festivali ndërkombëtar i muzikës klasike dhe moderne ReMusica nga Kosova është bërë zyrtarisht anëtar i Asociacionit të Festivaleve Evropiane (EFA) – një rrjet prestigjioz që bashkon disa nga festivalet më të njohura të artit në kontinent, shkruan Katror.info.
Lajmi u zyrtarizua gjatë Arts Festival Summit që u mbajt këtë javë në Edinburgh, ku Asambleja e Përgjithshme e EFA-s miratoi me votë të plotë anëtarësimin e ReMusica-s në rrjetin evropian.
“Mezi presim të kontribuojmë përvojën, energjinë dhe idetë tona me festivalet Evropiane, ne EFA,” njoftoi ReMusica përmes një deklarate në rrjete sociale.
Mundesh me e lexu edhe…
EFA është një rrjet që përfshin mbi 100 festivale dhe organizata nga 30 vende, duke krijuar një platformë të gjerë për shkëmbim, bashkëkrijim dhe adresim të sfidave kulturore dhe shoqërore.
Me këtë arritje, ReMusica jo vetëm e forcon profilin e saj ndërkombëtar, por përfaqëson me dinjitet Kosovën në një ndër rrjetet më të rëndësishme kulturore evropiane./Katror.info
