Real Madridi e ka transferuar nga Liverpooli mbrojtësin e krahut të djathtë, Trent Alexander-Arnold.
Liverpooli e pranoi shifrën e ofruar nga klubi madrilen për lirimin e 26-vjeçarit, kontrata e të cilit skadonte më 30 qershor.
Kjo lëvizje do të thotë se Alexander-Arnold do t’i bashkohet Realit në kohë për të luajtur në Kupën e Botës për Klube në këtë verë.
Mbrojtësi anglez konfirmoi më herët se do të largohet nga Liverpooli këtë verë dhe nisi menjëherë bisedimet për transferimin te klubi spanjoll.
Mundesh me e lexu edhe…
Raportohet se për të siguruar tani shërbimet e Alexander-Arnoldit, Real Madridi ka shpenzuar dhjetë milionë euro.
26-vjeçari ka nënshkruar kontratë gjashtëvjeçare me klubin mbretëror.
Kupa e Botës për Klube nis më 14 qershor dhe do të organizohet në Shtetet e Bashkuara të Amerikës.
Alexander-Arnold i realizoi 23 gola dhe dhuroi 92 asistime në 354 paraqitje për ekipin e parë të Liverpoolit.
Me Liverpoolin i fitoi dy tituj të Premier Leagues, Ligën e Kampionëve, Kupën FA dhe Kupën e Ligës./Katror.info
