Ke marrë vendim të lësh duhanin. A mund të të ndihmojnë cigaret elektronike ta bësh këtë?
Markat si JUUL kryesisht janë bërë të njohura sepse pretendojnë se u ofrojnë njerëzve që pinë duhan një alternativë më pak të dëmshme sesa cigareve e zakonshme.
Cigaret e zakonshme fusin nikotinë në sistemin tuaj duke djegur gjethet e duhanit. Si rezultat, duhanpirësit pranojnë në trupin e tyre më shumë se 7000 kimikate toksike, si dhe katranin që mbyt mushkëritë. Këto kimikate dëmtojnë pothuajse çdo organ dhe sistem në trupin tuaj dhe shkaktojnë rreth 14 kancere të ndryshme, sipas The University of Texas.
Mundesh me e lexu edhe...
Cigaret elektronike, nga ana tjetër, japin nikotinë të nxjerrë nga gjethet e duhanit pa djegur gjethet. Përdoruesit thithin një aerosol që përmban nikotinë si dhe kimikate të tjera që lidhen me avullimin e lëngut elektronik.
Besoj se të gjithë ne pajtohemi se lënia e cigares është një nga gjërat më të mira që mund të bëjm për shëndetin tonë.
Cigaret elektronike mund të jenë më pak të dëmshme se cigaret e zakonshme, por ato nuk janë pothuajse plotësisht të padëmshme. Për shkak se janë të reja, të pa standardizuara dhe ndryshojnë shumë sipas prodhuesit, thjesht s’e dimë se cilat do të jenë efektet e tyre afatgjata shëndetësore. U deshën dekada kërkimesh për t’i vërtetuar pasojat vdekjeprurëse të cigareve, një produkt që dikur ishte miratuar nga mjekët. Ndërsa cigaret elektronike janë krejt në fillimet e tyre.
Krejt çka dimë është se e-cigaret nuk djegin duhan dhe nuk futin tym në trupin tuaj, por prapëseprapë përmbajnë ende kimikate toksike. Përmbajtja e cigareve elektronike është e parregulluar, kështu që nuk e dimë saktësisht se cilat kimikate janë në çdo markë apo shije dhe efektet e thithjes së këtyre kimikateve me kalimin e kohës nuk janë testuar.
Disa raporte thonë se cigaret elektronike janë më pak të dëmshme se cigaret. Por fakti është se kalimi nga cigaret në ato elektronike nuk është alternativa më e mirë për shëndetin tuaj. Mënyra më e mirë është lënia e tërësishme e duhanit me vendosmëri.
E nëse nuk keni vendosmëri mund të përfundoni duke pirë duhan edhe e-cigare, në të njëjtën kohë, kjo pastaj dyfishohet në dy herë pirje të duhanit.
Cigaret elektronike kanë një shkallë të pasigurt suksesi si dhe hulumtimi mbi efektivitetin e cigareve elektronike si një mjet për të ndihmuar në lënien e duhanit është i kufizuar.
Në një studim të vitit 2019 me 886 duhanpirës, njerëzit që përdornin cigare elektronike kishin dy herë më shumë gjasa të ndalonin duhanin sesa njerëzit që përdornin zëvendësues medicinal të nikotinës si arna, çamçakëz, tableta dhe mjete të tjera zëvendësuese të nikotinës.
Artikull i marrë nga The University of Texas, MD Anderson Cancer Center./Katror.info
Përgatiti:
