A keni menduar ndonjëherë për objektet plastike rreth jush? Plastika është kudo, nga qeset e ushqimeve te shishet e ujit që përdorim për të qëndruar të hidratuar.
Sipas një studimi të kryer nga departamenti i mjekësisë në universitetin “Danube Private” në Austri, pirja e ujit nga shishet plastike mund të kontribuojë në një problem të rëndësishëm shëndetësor -– rritjen e tensionit të gjakut. Mikroplastikat nga këto shishe mund të hyjnë në qarkullimin e gjakut, duke çuar në rritje të niveleve të tensionit.
Çfarë zbuluan studiuesit?
Studiuesit vunë re se mikroplastikat nuk janë ekskluzive vetëm për shishet plastike; ato janë zbuluar edhe në shishet e qelqit, por në sasi më të vogël. Gjatë studimit, pjesëmarrësit që kaluan nga pirja e ujit nga shishet plastike dhe qelqi në ujin e rubinetit, treguan një ulje të tensionit të gjakut.
Mundesh me e lexu edhe…
Ky zbulim na bën të rimendojmë rreziqet serioze që këto mikroplastika mund të sjellin për shëndetin tonë, veçanërisht duke qenë se tensioni i lartë i gjakut është një kontribues kryesor në sëmundjet e zemrës.
Për të mbrojtur shëndetin tuaj, këshillohet të përdorni shishe të ripërdorshme prej qelqi apo metali. Këto materiale janë më të sigurta dhe nuk lirojnë kimikate të dëmshme në ujë. Kujdesi për shëndetin tuaj fillon edhe me zgjedhjet më të vogla, si shmangia e shisheve plastike për konsum të përditshëm./Katror.info
