Qeni mund të nuhasë peshqit ‘pushtues’ në liqene pa i parë fare, sugjeron një studim i ri. Në liqenet dhe lumenjtë përreth botës, karpi ka filluar të mbizotërojë speciet vendase.
Këta peshq të zakonshëm, që janë vendas në Azinë Qendrore, infektojnë liqenet dhe lumenjtë me ujë të ëmbël, duke tejkaluar numrin e kafshëve të tjera.
Por shkencëtarët kanë zbuluar një mjet të ri në luftën kundër krijesës ‘pushtuese’ – i cili është hunda e fuqishme e mikut më të mirë të njeriut – qenit.
Sipas një studimi të shkencëtarëve australianë dhe të Zelandës së Re, qentë e stërvitur në mënyrë të veçantë mund të dallojnë nëse në ujë është i pranishëm ‘karpi invaziv.’
Në fakt, ata janë edhe më të mirë se veglat laboratorike.
Autorët e studimitshkruajnë: “Studimet tona sugjerojnë se qentë mund të sigurojnë një metodë të saktë dhe shumë të ndjeshme për zbulimin e peshqve të përhapur.”
Pse qentë mund të nuhasin karpin?
Nëse ke hapur ndonjëherë një çantë me ëmbëlsira kafshësh shtëpiake dhe qeni të është shfaqur menjëherë, ti e din se sa të fuqishme është hunda e tij.
Ndjenja e nuhatjes së qenit është nga 10.000 deri në 100.000 herë më e fortë se ajo e një njeriu.
Për të provuar teknikën, shkencëtarët e Universitetit të Waikatos dhe universitetit të Kanberrës i paraqitën Ruby – një femër Labrador- mostrat e ujit.
Disa nga depozitat përmbanin ujë që kohët e fundit ishte populluar me karp ose peshk ari. Të tjerë përmbanin ujë të pastër.
‘Ruby’ u trajnua për të identifikuar saktë erën e peshkut – e njëjta mënyrë si qentë e policisë janë trajnuar për të njohur erën e drogës së paligjshme.
Edhe nëse dendësia e peshqve ishte vetëm 0,5 miligram karpi për litër ujë, qeni mund të dallonte atë pa problem, gjë e cila sjell shumë shpresë për trajtimin e këtij problemi botëror./Katror.info
Përgatiti:
