Fansat që duan të shikojnë Taylor Swift duke performuar në turneun e saj do të duhet të paguajnë një shumë astronomike për ta bërë këtë.
Biletat e koncertit të këngëtares 32-vjeçare po shiten për më shumë se 20,000 dollarë (19,364 euro) për copë në faqen e rishitjes së biletave StubHub, raportoi TMZ.
Këto çmime të mëdha erdhën pasi kompania e shitjes së biletave Ticketmaster anuloi shitjen e saj publike për turneun dhe pati probleme me paraqitjen e saj fillestare të biletave.
Sipas TMZ, fansat që duan t’i afrohen sa më shumë këngëtares së Blank Space duhet të paguajnë mijëra dollarë për ta bërë këtë, shkruan DailyMail.
Për shembull, tifozët që duan ta shohin atë të performojë në stadiumin SoFi të Los Angelesit do të duhet të paguajnë 4,459 dollarë (4,317 euro) për biletat e dyshemesë.
Çmimet e larta janë aktualisht në Gillette Stadium në periferi të Bostonit, ku fansat që kërkojnë biletat më të mira do të duhet të paguajnë 22,500 dollarë (21,785 euro).
TMZ vuri në dukje se këto bileta janë për shfaqjet e së shtunës, zakonisht më të shtrenjta, dhe Taylor po kryen shfaqje të shumta në shumë zona, kështu që fansat mund të gjejnë data më të lira nëse mund të shkojnë në një shfaqje tjetër.
Biletat për turneun dolën në shitje të martën, por ajo që Ticketmaster e quajti një ‘kërkesë historikisht e paprecedentë’ nga miliona fansa, pa që web-site ra nga sistemi në mënyrë të përsëritur, gjë që acaroi fansat e saj nga çmimet në rritje dhe duke kaluar orë të tëra duke pritur në radhë.
Shitja e përgjithshme publike më pas u anulua për shkak të ‘kërkesave jashtëzakonisht të larta për sistemet e biletave dhe inventarit të pamjaftueshëm të biletave të mbetura për të përmbushur këtë kërkesë’.
Prokurori i përgjithshëm i Tennessee, Jonathan Skrmetti nisi një hetim ndaj Ticketmaster pas debaklit të biletave, duke gërmuar në procedurat e gjigantit të biletave “për të siguruar që asnjë ligj për mbrojtjen e konsumatorit nuk ishte shkelur”.
Ticketmaster nuk i është përgjigjur hetimit të Skrmettit, por u ka kërkuar falje klientëve. Kompania gjithashtu vonoi një nga parashitjet një ditë të plotë.
Përgatiti:
