Kjo është njëra nga shtyllat në të cilat bazohet libri “Ikigai” sekrete japoneze për një jetë të gjatë dhe të lumtur.
Ikigai përkthehet në “vlerat e jetës ose arsyeja për me jetu”. Kur njeriu e gjen Ikigain e vet merr vendime duke u bazu në atë që i jep kuptim edhe qëllim jetës së tij, duke e lidhë kësisoj veten me vlerat personale. Përveç në gjetjen e vetes ikigai të ndihmon me u ndi i gjallë dhe me pasë një mendje të shëndetshme.
Për me e gjetë ikigain mjafton me i ndjekë tre hapa e i pari është me ju përgjigje pyetjeve:
Mundesh me e lexu edhe…
- Çka don ti?
- Çka të shkon, në çka je i/e mirë?
- Për çka ka nevojë bota?
- Për cilën punë mundesh me u pagu?
Hapi tjetër është brainstorm për me gjetë ikigain, duke i shkru ndryshimet sado të vogla dhe duke pasë ide të reja për me harmonizu ikigain tënd.
Hapi i fundit për me zbulu ikigain është me studiu me gjetë atë, duke analizu veten dhe duke reflektu në lidhje me studimet, trajnimet, mentorët dhe gjithçka që ty njëmend të bën me mendu se çka do në jetë, kush je dhe cili është ikigai yt?
Pasi ta kesh gjetë ikigain duhet edhe pak punë për me përqafu dhe me u mishëru me të, përmes: krijimit të qëllimeve të vogla, planifikimit të tij, krijimit të një sistemi mbështetës ku mund të përfshihen mentorët, trajnerët dhe profesionistët e tjerë që kanë arritur qëllime të ngjashme dhe krejt në fund me provoni/ me jetësu ikigain.
10 ligjet e ikigait që burojnë nga mençuria e pleqve japonezë
- Rrini gjithmonë aktiv e mos u dorëzoni kurrë,
- Merreni shtruar- t’u ecë ngadalë mbërrin më larg
- Mos hani derisa të ngopeni krejt, sipas ligjit të 80% për ta mbrojtur shëndetin, në vend se të ngopeni krejt, duhet të hani pak më pak sesa keni uri,
- Rrethojeni veten me miq të mirë sepse janë eliksiri më i mirë për me i zbutë shqetësimet, me i nda rrëfimet edhe me u zbavitë,
- Rregulloni format e trupit deri në ditëlindjen tjetër- edhe trupi ka nevojë për pak mirëmbajtje të përditshme për me iu rezistu viteve
- Buzëqeshni- Të qenit i vetëdijshëm kur gjërat nuk shkojnë mirë, nuk është gjë e keqe, por nuk duhet harruar se jemi këtu dhe tani, në një botë të mbushun me mundësi,
- Ktheju natyrës për të rimbushë bateritë e shpirtit
- Jini falënderues- Dedikoni disa çaste të jetës me qenë falënderues që thjesht jeni gjallë, sepse kështu e rrisni rrjedhën e lumturisë,
- Jetojeni momentin, pa keqardhje për të kalumen dhe frikë për të ardhmen
- Ndiqe ikigain tënd sepse mbrenda teje ka një pasion, një talent unik që i jep kuptim ditëve tua e të shtyn me dhanë ma të mirën tënde deri në fund. Nëse ikigain akoma nuk e ke gjetë, e ke mision të ardhshëm me gjetë.
Pjesë të shkëputura nga libri “Ikigai” sekrete japoneze për një jetë të gjatë dhe të lumtur, me autorë: Héctor García dhe Francesc Miralles bestseller me mbi 1.5 milionë kopje të shitura në mbarë botën. /Katror.info
Përgatiti:
