Ditët e nxehta t’verës veçse kanë nisë me na mungu, ende pa hy mirë n’vjeshtë. Qejfi për me ja zgjatë pak vehtës lezetin e ditëve verore asht qejf që shumkand prej nesh e përcjellë, sidomos gjatë shtatorit, kur herë merr koha nxehtë e na mashtron kinse kemi edhe pak ditë vere, e herë kur merr ftohtë e na qet për toke krejt. Megjithatë, kush nuk don me hjek prej dore përfundimisht – e zgatë pak ndjesinë verore nëse jo jasht shtëpisë, t’paktën brenda saj.
Bruschetta (lexo italisht), ose shqip t’njohuna si brusketa, janë nji prej aperitivëve ma t’shijshëm që mundemi me i hasë nëpër restorane italiane. Dikund ma t’mira, dikund jo edhe aq – përmes tyne synohet me ta pru nji copë Italie n’pjatë. E n’pamundësi me udhëtu, çka mundesh me ba asht me gatu.
PËRBËRËSIT:
Për 12 brusketa t’nevojiten: 12-15 rriska buke, 4 domate, kripë dhe piper me fara speci sipas dëshirës, 3 lugë gjelle uthull balsamike dhe 3 t’tjera vaj ullini, 2-3 thelpinjë hudhre t’imtësume, borzilok t’freskët t’imtësum (pak oregano nëse nuk ke borzlok)
Mundesh me e lexu edhe…
HAPI 1:
Mbasi t’i kesh pastru domatet, preji n’copëza t’imëta.
HAPI 2:
N’nji enë shto domatet, vajin, uthullën, hudhrën e borzilokun. Përzije masën mirë e leje n’temperaturë dhome me nejtë 10 minuta.
HAPI 3:
Vendosi rriskat e bukës n’tepsi. Furrën nxeje paraprakisht n’200 C dhe pjeki rriskat për 5-7 minuta.
HAPI 4:
Largoji bukët prej burre dhe fillo me i vendosë domatet sipër bukëve.
HAPI 5:
Servoji brusketat qysh ti e preferon e shijoji ato. Nëse ke merak n’djathë parmezan, lirisht shto sipër edhe pak prej djathit. Shoqnoji bruketat me nji gotë venë a raki. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
