T’gjithë e dijmë se anipse fort i kojshëm, pica nuk asht edhe bash ushqimi ma i shnetshëm, andaj edhe asht mirë mos me e konsumu shumë e shpesh. Kështu alternativat pak ma t’shnetshme e t’lehta sikurse 3 versionet “Healthy” t’picës tashma e kanë dëshmu që ofrojë kënaqësi, pa e kompromitu shijen e mirë.
3 hapa fort t’thjeshtë dhe pak përbërës mjaftojnë me ta hjekë merakun e picës, me t’kënaqë e me t’ngi pa e konsumu brumin e kaloritë e panevojshme t’picës, falë brokollit t’cilin e përdorim si bazë brumi për këtë super-recetë t’cilë DUHESH me e provu.
PËRBËRËSIT:
1 brokolli (i prerë n’copë)
2 ve
150 gr kashkavall (i grirë)
50 gr parmezan (i grirë)
½ lugë çaji oregano
½ lugë çaji hudhër pluhun
¼ lugë çaji kripë
¼ lugë çaji biber i zi
¼ gotë sos domatesh
Kërpudha, tomatina dhe borzilok (Opsionale)
Mundesh me e lexu edhe…
HAPI 1:
Para se me fillu me përgatitjet, nxeje furrën n’200 C. Merr brokollin dhe bluje n’blender deri sa t’bohet nji masë e blume. Vendose brokollin n’1 pjatë dhe nxeje n’mikrovalë për 2 minuta sa me u zbutë pak. Shtype masën dhe largo ujin e tepërt.
HAPI 2:
N’pjatën me brokollin e nxehtë dhe t’blum’ shto vezët, parmezanin, erëzat dhe gjysmën e kashkavallit. Përzije masën mirë deri sa t’krijohet nji konsistencë e brumit.
HAPI 3:
N’tepsi vendos letër për pjekje, shto brokolli-masën dhe jepi formë njejtë si brumit t’picës. Vendose tepsinë për 10-12 minuta n’furrën e nxehtë deri da masa t’fillojë me marrë ngjyrë t’artë n’qoshe. Largo tepsinë, shto sosin e domateve, tomatinat, kërpudhat e kashakavallin e mbetun dhe vendose tepsinë n’furrë edhe për 5 minuta t’tjera, pastaj servo.
REZULTATI:
Servo brokolli-picën me pak gjethe t’freskëta borziloku për ekstra shije dhe hjeke merakun e picës e ngiju pa e konsumu brumin e kaloritë e panevojshme që pica i ka. Thjeshtë, shpejtë, lehtë e plot shije, brokolli-pica asht ideale me u përgatitë e përshtatë varësisht prej shijes – mjafton me ja shtu sipër përbërësit që t’shijojnë ma s’shumti.
E nëse e llogaritë vehten adhurues/e t’flaktë t’picave, mos e le pa e kqyrë serialin ma t’ri n’Netflix i qujtun “Chef’s Table Pica, serial dokumentar ky që na njofton me picat ma t’mira nga e gjithë bota t’përgatitura nga kuzhinierë t’njohur. /katror.info
Përgatiti:
