Gjimnazistë të shkollës “Zef Lush Marku” në Shkup fituan garën kombëtare të NASA-s. Për vetëm tre ditë, ata krijuan një aplikacion që tregon tërmetet që ndodhin në Hënë.
“Nderim Nagavci prej Youth Community Center ka qenë i informuar për këtë sfidë dhe prej tij jemi organizuar të gjithë të shkollës dhe kemi konkurruar”, tha Dijar Selami, nxënës.
“Përafërsisht kemi pasur kohë tre ditë. Mund të them që kemi qenë shumë të angazhuar ato ditë, secili e ka pasur rolin e tij në ekip. Rolet i kemi zgjedhur varësisht nga aftësitë tona”, pohoi Andi Ganiu, nxënës.
Mundesh me e lexu edhe…
Kurse Jasir Idrizi tha se edhe pse nuk kanë pasur eksperiencë në këtë fushë, ata kanë pasur aftësi tjera që i kanë ndihmuar për ta arritur qëllimin.
Nxënësi tjetër Krenar Ahmeti i tha TV21.mk se aplikacioni i tyre tregon tërmetet që ndodhin në Hënë dhe pikën ku ndodhin. Web-site i ashtuquajtur “moonquakes.earth”.
Nxënësit pohuan se këtë garë e fituan edhe ekipi “Aerth” nga shkolla “Orce Nikollov” dhe “Korçagin”.
“Personalisht jo vetëm ne por ka fituar gjithë shqiptaria, sepse të marrin veshë të gjithë se çfarë djem dhe çfarë rinie kemi”, tha Nderim Nagavci, mentor i ekipit.
Ky ekip tash e ka fituar të drejtën për të shkuar në SHBA që të shohin aktivitetet që ndodhin në bazën e NASA, ndersa zotohen se do të vazhdojnë të merren edhe me projekte tjera.
Përgatiti:
