Pothuajse gjysma e të gjitha automjeteve të udhëtarëve të regjistruar rishtazi në Bashkimin Evropian nga janari deri në nëntor të këtij viti janë elektrike dhe hibride, sipas të dhënave nga Shoqata Evropiane e Prodhuesve të Automobilave (ACEA).
Modelet tërësisht elektrike, hibride plug-in ose hibride të plota – përbënin rreth 48 përqind të të gjitha të makinave të reja të regjistruara të udhëtarëve në BE në 11 muaj, krahasuar me 43 përqind në të njëjtën periudhë të vitit të kaluar.
Në muajin nëntor, në muajin e 16-të radhazi të rritjes, regjistrimet e këtyre automjeteve u rritën me 6.7 për qind dhe në bazë vjetore me 13.3 për qind. Regjistrimet e makinave me benzinë u rritën me 4.2 për qind, ndërsa automjetet me naftë ranë me 10.3 për qind në të njëjtën kohë, sipas të dhënave të ACEA të publikuara të mërkurën.
Mundesh me e lexu edhe...
Në të njëjtën kohë, regjistrimet e makinave tërësisht elektrike u rritën në bazë vjetore me 16,4 për qind, në 144,378 automjete, megjithëse në tregun më të madh evropian të automjeteve elektrike, Gjermani, ato ranë me 22,5 për qind në 44,942 automjete.
Konsumatorët vazhduan të preferonin automjetet hibride-elektrike, me një rritje nga viti në vit prej 28.7 përqind, ndërsa kërkesa për hibride plug-in ra me 22.1 përqind.
Regjistrimet e makinave hibride-elektrike në pothuajse të gjithë vitin e deritanishëm në tregjet gjermane, franceze dhe italiane kanë kaluar 1.5 milionë automjete, krahasuar me gati 2.5 milionë të të gjitha automjeteve.
Pavarësisht rritjes së shitjeve të automjeteve elektrike, ACEA njoftoi në fillim të dhjetorit se ekziston rreziku që sektori evropian i automjeteve elektrike të mbetet prapa rajoneve të tjera pa një strategji të fortë industriale të BE-së, për sa i përket dominimit kinez në zinxhirin e furnizimit dhe mbështetjen SHBA-së për prodhuesit e saj të makinave.
Disa prodhues automjetesh dhe analistë përmendin gjithashtu një tavan të kërkesës për automjete elektrike në muajt e fundit. Prodhuesi më i madh evropian i makinave Volkswagen njoftoi në tetor se kërkesa për automjete elektrike nuk po zhvillohet siç pritej dhe prodhuesi i automjeteve luksoze Mercedes-Benz paralajmëroi për një treg “brutal” për automjetet elektrike për shkak të uljeve të mëdha të çmimeve dhe një zinxhiri të pasigurt furnizimi.
Regjistrimet e modeleve Volkswagen dhe Renault u rritën në nëntor përkatësisht me 11,4 për qind dhe 6,1 për qind, ndërsa në të njëjtën kohë ato të Stellantis ranë me 7,3 për qind, njoftoi ACEA.
Në të njëjtin muaj, prodhuesi i makinave elektrike Tesla arriti një kërcim prej gati 45 për qind dhe përbënte pothuajse 22 për qind të regjistrimit të makinave tërësisht elektrike në BE.
Numri i automjeteve të reja të regjistruara në nëntor në BE, Britani dhe Shoqatën Evropiane të Tregtisë së Lirë (EFTA) u rrit me gjashtë për qind, në 1.08 milionë automjete./Katror.info
Përgatiti:
