Po, dhe ne e dimë se për cilin bëhet fjalë.
Neuroshkencëtarët nga Zvicra zbuluan se truri ynë është jashtëzakonisht i njëanshëm kur bëhet fjalë për perceptimin e zërave që na kënaqin.
Për nevojat e këtij lloji kërkimi lidhur me tingujt, emocionet dhe aparatin tonë të dëgjimit, u zgjodhën 13 persona që iu nënshtruan testeve.
Mundesh me e lexu edhe...
Studiuesit, dëgjuan vokalizimet njerëzore të lumturisë nga tri drejtime të ndryshme – siç është e qeshura, në mënyrë që të përcaktonin se cila pjesë e trurit reagon më shumë ndaj tyre, transmeton Telegrafi.
Rezulton se të dy anët e korteksit janë aktivizuar – pavarësisht nga drejtimi nga vijnë, me faktin se reagimi neurologjik është shumë më i fortë tek ata të ekzaminuar që “erdhën” nga ana e majtë.
“Kjo nuk ndodh kur vokalizimet pozitive vijnë nga përpara ose djathtas”, zbuloi neuroshkencëtarja Sandra da Costa nga Instituti Federal Zviceran i Teknologjisë në Lozanë. Gjithashtu, ajo shtoi se është vënë re se vokalizimet me kuptim neutral ose negativ nuk kanë një efekt të tillë në anën e majtë.
Pse po ndodh kjo?
Në kuptimin evolucionar, perceptimi i tingujve është jashtëzakonisht i dobishëm, sepse mbijetesa e njerëzve varej nga drejtimi, intensiteti ose natyra e tingujve. Deri më tani, shumica e studimeve janë marrë me çështjen e reagimit ndaj atyre që vijnë nga pas.
Megjithatë, me zbulimin e ri dhe rritjen e ndjeshmërisë ndaj tingujve të lumturisë që vijnë nga e majta, shkencëtarët do të duhet të merren me disa pyetje të reja, sepse, sipas tyre, ato janë pak më të vështira për t’u shpjeguar.
“Aktualisht nuk dihet se kur shfaqet preferenca e korteksit primar të dëgjimit për vokalizimet pozitive të njeriut gjatë zhvillimit njerëzor dhe nëse është një karakteristikë unike njerëzore”, shpjegojnë neuroshkencëtarët. Por ata shtojnë se një gjë është e sigurt, nëse doni t’i pëshpëritni gjëra të bukura dikujt dhe t’i lini një përshtypje më të fortë, atëherë bëjeni nga ana e tij e majtë.
Studimi u botua në Frontiers in Neuroscience./Telegrafi/Katror.info
Përgatiti:
