Një supermarket i ri i rrjetit të njohur të produkteve ushqimore Spar hap dyert për të gjitha produktet e Kosovës. Pronari me përvojë 20-vjeçare, Nexhmedin Iseni, fton të gjithë prodhuesit kosovarë ta kontaktojnë për t’i plasuar produktet e tyre në 5 supermarketet e tij në Zvicër, shkruan Albinfo.ch
Ai ka hapur një tjetër market në Schlieren të Cyrihut, ku ka frekuentim të lartë të shqiptarëve, me çka drejtuesit e supermarketit do t’u kushtojnë vëmendje të veçantë produkteve që vijnë nga Kosova e Shqipëria.
“Jemi të fokusuar në produkte të freskëta që vijnë nga regjioni ku jetojmë, por duke i kushtuar vëmendje të veçantë edhe kërkesave të banorëve të kësaj pjese të qytetit, siç janë produktet nga Kosova, Shqipëria dhe vende të tjera. Të gjithë e kanë derën hapur dhe unë i ftoj të më kontaktojnë për mundësinë e plasimit të produkteve të tyre në marketin tonë”, thotë Nexhmedin Iseni.
Mundesh me e lexu edhe...
Në ditën e hapjes pronari kishte dy prodhues shqiptarë të produkteve ushqimore, të cilët produktet e tyre i prodhojnë në Zvicër, por me recetë apo lëndë të parë nga Kosova. Përderisa punëtorët e marketit po mbushnin raftet e marketit me produkte të ardhura nga Kosova dhe Ballkani.
Kështu prodhuesi i djathit “Lindi” promovonte në hyrje të marketit djathin e njohur si e tipit salzlakenkäse apo djathë i shëllirës, i cili ka lindur si ide nga vizita që një ekip nga shkolla “Strickhof” e Cyrihut kishte bërë në Kosovë. Ky lloj djathi është pjesë e menysë ditore në regjionin e Ballkanit.
Numri i shqiptarëve që drejtojnë me sukses marketet e Sparit në Zvicër është i lartë. Pronarëve të Sparit nuk iu ka ikur kjo aftësi e ky përkushtim i shqiptarëve për tregti dhe kështu sot në tërë Zvicrën ka me dhjetëra dyqane e pompa benzini të kombinuara me mini-markete që i drejtojnë shqiptarët në formën franchise. Afaristi Nexhemdin Iseni është njëri prej të parëve që kishte fituar këtë besim në menaxhmentin e lartë të Spar-it dhe sot pas 20 vitesh përvojë pune në pesë qytete të ndryshme punëson afër 40 punëtorë, kryesisht të rinj shqiptarë të gjeneratës së dytë./Katror.info
Përgatiti:
