Harroni motrat Kardashian, 22-vjeçarja Alix Earle është vajza e re e rrjetit.
Biondja Tiktoker filloi si një studente që filmonte veten duke bërë grim duke u përgatitur për të shkuar në Fakultet dhe duke u shoqëruar me miqtë e saj dhe sot është një nga vajzat më të popullarizuara dhe të famshme në rrjet. Ajo pushtoi botën në vetëm një vit dhe krijoi diçka që ekspertët e marketingut e quajtën “Efekti Alix Earle”. Shkurt, ajo që bën Alix, foto apo regjistrime, shitet, shkruan Katror.info.
Ajo është “vajza fqinje” me 5.7 milionë ndjekës dhe ky numër po rritet me shpejtësi çdo ditë, ndërsa hashtagu me emrin e saj në Tiktok ka gati dy miliardë shikime.
Mundesh me e lexu edhe…
Falë qasjes së saj të relaksuar, humorit dhe ndershmërisë, ajo u bë një person me të cilen po identifikohen miliona vajza në mbarë botën. Alix, përshkruajnë adhuruesit, është “vajza e vajzave”, pra një vajzë që mbështet padiskutim vajzat e tjera.
Çdo ditë në profilin e saj në TikTok, sikur të ishte shoqja më e mirë që e keni njohur përgjithmonë, ajo ndan detaje rreth jetës së saj private – tregon aknet me të cilat po lufton prej vitesh, flet për operacionet estetike që ka bërë, tregon rrëmujën në banesën e saj dhe ajo flet sinqerisht për marrëdhëniet e saj të dashurisë e kështu me radhë.
Ajo filloi me Tiktok në vitin e fundit të kolegjit. Ajo studioi në Universitetin e Majamit, jetonte me shokët e dhomës në një apartament me qira dhe foli me shoqëruesit e parë nga dhoma e saj e errët e bodrumit. Duke u grimuar, Alix foli për ditën e saj në mënyrë të relaksuar, sikur të fliste me miqtë përmes video-telefonatës. Në vetëm një muaj ajo mblodhi mbi dy milionë ndjekës.
Madje, ajo i solli popullaritet edhe fakultetit të saj, sepse falë saj, Universiteti i Majamit u bë shumë i popullarizuar në mesin e nxënësve të shkollave të mesme dhe gjithçka shkoi aq larg sa u krijua “Bursa Alix Earl”, e cila i jepet një studenti të zgjedhur nga Alix./Katror.info
Përgatiti:
