Sopranoja shqiptare Ana Naqe ka shkëlqyer në shfaqjen që shkruar posaçërisht për zërin e saj. Ajo ka luajtur rolin kryesor në Operën Madam Bovary në shtëpinë e Operas, La Monnaie në Bruksel, për të cilën gjë ka shkruar edhe Washington Post, ndërsa komponimi i muzikës bëhet veçanërisht për zërin e saj. Bëhet fjalë për veprën “Madam Bovari” dhe rolin e saj kryesor të cilin e ka zotëruar. Kjo vepër e punuar nga Michael De Cock dhe Harold Noben, është një vepër shumë të njohur e letërsisë franceze, e cila po vihet në skenë për herë të parë në formën e një opere, ka thënë ajo në një intervistë për ABC News nga Brukseli.
Ajo tregoi se kanë pasur ditë shumë intensive, pasi shfaqjet zhvillohen çdo ditë. Sipas saj, përveç rolit të saj, në skenë ngjiten edhe dy kolegë të tjerë që interpretojnë për disa minuta, dhe e cilësoi këtë si një eksperiencë fantastike.
“Kemi shumë ditë intensive sepse kemi shfaqje ditë për ditë . Sigurisht kam edhe dy kolegë të tjerë që këndojnë disa minuta, është një gjë fantastike….”, thotë ajo.
Mundesh me e lexu edhe…
Ajo shtoi se në shfaqje kanë ardhur njerëz nga e gjithë bota dhe se është shkruar posaçërisht për zërin e saj. Për të, është një nder i madh që të interpretojë këtë pjesë dhe të këndojë në këtë produksion.
”Kanë ardhur njerëz nga e gjithë bota, është shkruar për zërin tim. Është një nder i madh që të bëj këtë pjesë dhe të këndoj këtu. Bëhet fjalë për një literaturë shumë të njohur franceze dhe është hera e parë që bëhet si Opera…Dhe mendoj që të gjithë kanë pak frikë që ta bëjnë”, u shpreh ajo.
Më tej u shpreh se kur ishte vajzë e re në kohën e komunizmit kishte lexuar “Madamë Bovarie”, ndërsa shtoi se kishte ëndërruar të luajë dhe të interpretojë këtë grua siç edhe e quan ajo magjepse”. /Katror.info
Për të parë intervistën e plotë klikoni këtu!
Përgatiti:
