Aktorja me famë botërore, Angelina Jolie, ka thënë se i pëlqen shumë të punojë në shfaqje teatrale. Dhe ajo e ka bërë këtë te The Outsiders – e gjitha kjo falë vajzës së saj!
Gjatë natës së hapjes së muzikalit të ri në Broadway në Teatrin Bernard B. Jacobs në qytetin e Nju Jorkut të enjten, më 11 prill, aktorja dhe regjisorja fituese i Oskarit i tha PEOPLE se Vivienne, 15 vjeç, është shumë e organizuar si asistente në produksion.
“Ajo do të më korrigjojë,” thotë Jolie, 48 vjeç, për vajzën e saj, e cila gjithashtu mori pjesë në premierën e shfaqjes të enjten. “Ajo do të thotë, ‘A nuk e lexuat memon? Ne duhet ta bëjmë këtë. Duhet ta kalojmë këtë.’ “
Mundesh me e lexu edhe…
“Ajo është një asistente vërtet e ashpër,” shton Jolie, e cila është producente kryesore në shfaqje, e bashkëproducentes Vivienne. “Ajo e merr këtë shumë, shumë seriozisht.”
Ajo ka theksuar se ndihet shumë e nderuar që do të jetë producente e shfaqjes “The Outsiders”. Në një intervistë për revistën People, Jolie ka treguar se për krijimin e kësaj shfaqjeje u inspirua nga novela e vitit 1967 e autorit S.E. Hinton, që kishte të njëjtin emër.
“Ka qenë privilegj për mua të jem pjesë e këtij projekti. E respektoj shumë Broadwayin dhe të gjithë që punojnë aty”, ka thënë ajo duke shtuar se mezi po pret që publiku ta shohë punën që ka bërë.
Më tutje aktorja ka thënë se ndihet mirë që punon me njerëz të talentuar që janë të dedikuar ndaj kësaj pune e që janë këngëtarë e valltarë të jashtëzakonshëm dhe punojnë shumë.
Ngjarja e “The Outsiders” ndodh në Tulsa të Oklahomas në vitin 1960, në mes të vëllezërve Ponboy Curtis (rolin e të cilit e luan Brody Grant), Darrel Curtis ( Brent Comer), Sodapop “Soda” Curtis ( Jason Schmidt) dhe një grup shokësh, pas vdekjes së prindërve të vëllezërve Curtis. Ajo përshkruan konfliktet e disa adoleshentëve që nuk janë fort të pasur me disa që janë më të pasur, grupi i të cilëve njihet me nofkën “Socs”./Katror.info
Përgatiti:
