Fotografia e parë e anijes kozmike Slim tregon se ajo është rrotulluar 90 gradë nga ajo se si duhej të kishte zbritur.
Imazhi u kap nga roboti i vogël i madhësisë së topit të bejsbollit i quajtur Sora-Q, i cili u hodh nga Slim disa momente përpara se të zbriste, të shtunën e kaluar.
“Një anomali në motorin kryesor ndikoi në uljen e anijes”, tha agjencia japoneze hapësinore Jaxa në një deklaratë, shkruan BBC.
Mundesh me e lexu edhe…
Për ta çuar foton në Tokë, Sora-Q fillimisht duhej ta transmetonte atë te një robot i dytë rrotullues i hedhur, Lunar Excursion Vehicle 1, ose Lev-1. Ky robot ka pajisje radio që mund të kontaktojnë kontrollin e misionit pavarësisht nga Slim.
Vetë ateruesi (Slim) u ndal tre orë pas zbritjes, sepse nuk mund t’i vinte në punë qelizat e tij diellore. Me shkarkimin e shpejtë të baterisë, zyrtarët e Jaxa morën vendimin për të vënë në gjumë Slim.
Supozimi i tyre – i cili duket se vërtetohet nga imazhi i Sora-Q –së, është se anija kryesore kozmike është e orientuar në një mënyrë që pengon qelizat diellore të shohin Diellin.
Shpresa është të zgjohet Slim kur këndet e ndriçimit ndryshojnë në vendin e uljes.
Para vënies në gjumë, kontrolluesit ishin në gjendje të bënin një seri fotografish të sipërfaqes të marra nga kamera e saj infra të kuqe në bord.
Vendndodhja e uljes së Slim është në buzë të një krateri ekuatorial të njohur si Shioli./Katror.info
Përgatiti:
