Gjenerata e ardhshme e orëve inteligjente Apple vjen me performancë më të fuqishme dhe veçori edhe më të dobishme.
Apple Watch Series 9 përdor çipin S9 SIP, i cili është më i fuqishëm se ai i mëparshmi dhe ofron 60 për qind fuqi përpunuese më të mirë dhe 30 për qind çip grafik më të shpejtë në krahasim me Serinë 8, shkruan Katror.info.
Orët e Serisë 9 përdorin një çip të gjeneratës së dytë me brez të gjerë, i cili mundëson gjurmim dhe gjetje të saktë në kombinim me modelet e iPhone që kanë atë çip.
Mundesh me e lexu edhe...
Ekrani i orës ofron lexim më të lehtë të përmbajtjes kur jeni jashtë, me 200 nit ndriçim (dyfishi i asaj të modelit Series 8) dhe mund të ulet në vetëm një nit në dhoma të errëta si kinematë.
Apple Watch Series 9 ka tani gjestikulacione të reja (trokitje e dyfishtë) dhe kontrollon butonin kryesor në aplikacion. Gjestet e reja mundësohen nga motori nervor në çipin S9 dhe përpunon të dhënat nga të gjithë sensorët, me mësimin e makinerive për të zbuluar trokitje të dyfishta.
Apple i kushtoi vëmendje të veçantë faktit që ora e re inteligjente është bërë nga materiali i ricikluar. Apple Watch Series 9 është krijuar nga alumini, ari, kallaji dhe bakri i ricikluar, ndërsa për herë të parë kobalti i ricikluar është futur në bateri. Vetë bateria ofron deri në 18 orë funksionim.
Kompania theksoi se tani e tutje nuk do të përdorë më lëkurë në asnjë prej produkteve të saj të reja. Apple përdor një tekstil të ri të quajtur FineWoven për rripat e orëve të saj të reja.
Apple Watch Ultra 2
Ultra është ora inteligjente më e avancuar e Apple deri më sot, dhe me gjeneratën e dytë, kompania i ka ngritur funksionet e reja në një nivel edhe më të lartë.
Apple Watch Ultra 2 përdor një arkitekturë të re ekrani, me një shkëlqim deri në 3000 nit, i cili lejon lexueshmëri dhe shikim më të mirë nën rrezet e forta të diellit.
“Watchface” e re quhet Modular Ultra dhe përdor skajet e jashtme të ekranit. Modaliteti i natës përdor një sensor të dritës së ambientit për ndërrimin automatik.
Watch Ultra 2 përdor të njëjtin chipa S9 SIP si Watch Series 9, dhe mundëson kontrollet e gjesteve me prekje të dyfishtë dhe ka një çip të ri UWB për gjurmimin e vendndodhjes.
Madhësia e orës është 49 mm, me një ekran LTPO OLED 1,92 inç që ofron një shkëlqim maksimal deri në 3000 nit.
Bateria e orës lejon funksionimin deri në 36 orë, ose deri në 72 orë në modalitetin e konsumit të ulët. WatchOS 10 është përgjegjës për mbështetjen e softuerit të të dy orëve inteligjente.
Apple Watch Series 9 do të arrijë me një çmim fillestar prej 399 dollarë, ndërsa Apple Watch Ultra 2 do të kushtojë 799 dollarë. Shitjet fillojnë nga data 22 shtator.
Përgatiti:
