Ka nisur Panairi i përvitshëm i Balonave në Meksikë që konsiderohet si një nga më spektakolarët në botë.
Ngjarja vjen me shfaqje dritash me balona të ankoruara në tokë, si dhe koncerte muzikore.
Meksika feston disa festivale të balonave me ajër të nxehtë me pilotë ekspertë nga e gjithë bota. Një nga më famshmit mbahet në Leon City dhe konsiderohet si një nga më spektakolarët në botë.
Mundesh me e lexu edhe…
Këtë vit disa prej balonave mbërritën në Guajuato, Mexico City dhe u montuan në praninë e mijëra të pranishmëve që ndiqnin spektaklin nën tingujt e muzikës, shkruan Ora News.
“Ndihem shumë mirë. Udhëtuam tre orë për parë (balonat me ajër të nxehtë,” tha stilsitja Miriam Dominguez.
Ndërsa Alberto Díaz, tregtar e sheh eventin si një mundësi për tu shpërqendruar dhe argëtuar disi nga ditët e stresuara.
Çdo vit festivali fillon me lëshimin e 200 balonave gjigante, figurave speciale dhe aeroplanëve që ngrihen njëkohësisht duke krijuar një shfaqje të madhe me ngjyra. Më pas, kur vjen mbrëmja, fillon një shfaqje drite, me balona të ankoruara në tokë, si dhe koncerte muzikore.
Vizitorët mund të regjistrohen si anëtarë të ekuipazhit për të përjetuar përvojën e jashtëzakonshme të fluturimit me balona, si dhe për të punuar me pilotë me përvojë nga pjesë të ndryshme të botës. Çdo balonë ka një ekip, i cili mbështet pilotin gjatë katër ditëve të ngjarjes.
Ky festival është ndër më të rëndësishmin në Amerikën Latine dhe një nga tre më të mirët në botë./Katror.info
Përgatiti:
