Filmi i ri i Tom Hanks, “A Man Called Otto”, po e zhvendos aktorin në një fazë të re në karrierë, ku personaliteti i tij kinematografik në dukje pasqyron atë të Clint Eastwoodit.
Karriera kinematografike e veteranit Tom Hanks filloi në vitin e ’80-ta, kur luajti në filmin me buxhet të ulët “He Knows You’re Alone”.
Me përpjekjet e tij të aktrimit që shtrihen mbi katër dekada, Tom Hanks ka luajtur shumë personazhe në një mori zhanre filmash.
Mundesh me e lexu edhe…
Nga komeditë si “Big”, e deri te drama prekëse luftarake si “Saving Private Ryan”, Tom Hanks ka dëshmuar, herë pas here, se vitaliteti i tij si aktor është fuqizuar në vazhdimësi me kalimin e kohës.
- Advertisement -
Megjithatë, në të gjitha rolet e tij të gjithanshme, një gjë ka qëndruar pothuajse gjithmonë konsistente: epiteti i tij i “good guy”, shkruan Screen Rant.
Qoftë portretizimi i personazhit titullar të “Forrest Gump-it”, apo zëri i tij bindës mbulues për personalitetin e “Woody” në “Toy Story”, Tom Hanks ka qenë gjithmonë fytyra e figurave të guximshme dhe të ndershme të filmit.
- Advertisement -
Çka na zbulon filmi “A Man called Otto” për fazën e re të karrierës së Tom Hanks?
Ashtu sikur që edhe rolet serioze dhe kërkuese në filmat si “Philadelphia” dhe “Forrest Gump” e shtynë Tom Hanksin në një drejtim të ri, filmi “A Man Called Otto” ka të ngjarë të jetë një tjetër pikë kthese në karrierën e tij të aktrimit.
Duke luajtur një personazh më të moshuar, të mërzitur dhe nervoz në përshtatjen e librit, Tom Hanks duket se po largohet nga arketipi i tij i gjallë kinematografik dhe duket se është i prirë që të fillojë një fazë të aktrimit të stilit Clint Eastwood.
Përpara se të luante rolin e trajnerit veteran të boksit me humor të keq në filmin “Milion Dollar Baby” dhe rolin e një anti-heroi të ngjashëm të fuqishëm në filmin “Gran Torino”, Clint Eastwood gjithashtu luajti paraprakisht një sërë rolesh të ndryshme, përpara se të fillonte tranzicionin drejt arketipit të personit të moshuar dhe të vrenjtur.
Me” A Man Called Otto”, Tom Hanks duket se po ecën në një shhteg të ngjashëm./Katror.info
Përgatiti:
