Kur kanë kaluar gjashtë vjet që kur pamë për herë të fundit Renée Zellëeger në rolin e Bridget Jones në filmin më të fundit, Bridget Jones’s Baby, për kënaqësinë e fansave ne mund ta shohim përsëri së shpejti.
Helen Fielding, autorja e librave mbi të cilët bazohet seria e filmave hit, ka zbuluar se është duke punuar në një adaptim të ri të mundshëm filmik të romanit të saj Mad About the Boy, shkruar në vitin 2013.
Bridget Jones’s Baby , i lancuar në vitin 2016, nuk bazohej në Mad About the Boy, por ishte një përshtatje e rubrikës që Fielding shkroi për gazetën britanike The Independent midis viteve 2005 dhe 2006.
Mundesh me e lexu edhe…
Kështu, historia e treguar në Mad About The Boy mund të bëhet Bridget Jones.
Për çfarë mund të bëjë fjalë Bridget Jones 4?
Në një intervistë me Radio Times , autorja Helen Fielding konfirmoi: “Jam duke punuar për një adaptim të ri të mundshëm të filmit dhe me të vërtetë shpresoj që të ndodhë. Çdo film që është bërë është një mrekulli, do të doja ta shihja në ekran”.
“ Ka pasur pak komedi romantike më të suksesshme apo më të njohura se Bridget Jones në dy dekadat e fundit. Megjithatë, producentët e dinin gjithmonë se kishte një treg të madh për një vazhdim tjetër kur tregimi i duhur ishte i disponueshëm dhe tani duket koha e përsosur për ta treguar atë”, thotë ajo.
Sipas thashethemeve, historia tregon për jetën e Bridget në moshën pesëdhjetë vjeçare, pas një katastrofe të fundit që e ktheu të gjithë botën e saj përmbys.
Jo vetëm kaq, por edhe lufta e Bridget Jones për t’u përshtatur me një botë të ndërtuar mbi teknologjinë, amësinë dhe që duhet të përballet me plakjen e pashmangshme dhe gjithçka q ëka të bëjë me të.
Për momentin nuk ka më shumë informacion për kastin e mundshëm apo fillimin e xhirimeve. Por ne mezi presim të shohim një tjetër film shumë argëtues të Bridget Jones./Katror.info
Përgatiti:
