Dorëshkrimet e David Bowie me tekstin e dy këngëve të tij mund të arrijnë një çmim prej më shumë se 115 mijë euro në ankand. Fletët përmbajnë korrigjime, drafte dhe shënime të këngëtarit të ndjerë gjatë krijimit të këngëve Rock n Roll Suicide dhe Suffragette City.
Të dyja këngët janë pjesë e albumit të vitit 1972 The Rise and Fall of Ziggy Stardust and the Spiders from Mars. Shtëpia e ankandeve shiti më parë një faqe të teksteve të shkruara me dorë të Bowie për hitin e tij Starman për më shumë se 190 mijë euro.
Shitja përfshin gjithashtu një libër këngësh të zotëruar më parë nga Noel Gallagher i Oasis, i cili përmban tekste të She’s Electric, Going Nowhere, Step Out Tonight, Rockin’ Chair dhe Champagne Supernova. Një faqe me tekste të shkruara me dorë nga frontmeni i The Doors, Jim Morrison, është gjithashtu në shitje, së bashku me kitarat, amplifikatorët dhe fletët e muzikës nga muzikantë të ndryshëm.
Mundesh me e lexu edhe…
Fleta me këngët e Bowie, çmimi i së cilës llogaritet nga 57,000 deri në 115,000 euro, do të dalë në ankand nga Omega Auctions të martën. Bowie vdiq nga kanceri në mëlçi në moshën 69-vjeçare në janar 2016. /Katror.info
Përgatiti:
