Mural Fest Kosova tashmë e ka kthyer në traditë nderimin e figurave të shquara kosovare, nëpërmjet artit dhe aktivizmit të tyre, duke pikturuar murale mbresëlënëse në vende të ndryshme të Kosovës.
E kësaj radhe mural i është kushtuar artistës sonë të dashur, Duas.
Një llojllojshmëri dhe mishrim ngjyrash kanë zbukuruar qytetin e Ferizajt, duke vendosur në pah portretin gjigant të Duas sonë.
Mundesh me e lexu edhe…
“Mural Fest, këtë vit i dedikohet grave me prejardhje, histori dhe zbulime të fuqishme. Njëra nga gratë kryesore dhe më me ndikim, hapat e para dhe suksesi i së cilës në skenën ndërkombëtare admirohet, çmohet e respektohet gjithmonë, si dhe ka përkushtim të devotshëm ndaj vendit të saj të Kosovës, kush tjetër pos Dua Lipës sonë”, thuhet në njoftimin e Mural Fest Kosova.
“Kjo nismë e organizuar nga Mural Fest Kosova dhe e kthyer në realitet nga artivistët tanë, është një portretizimi i respektit, dashurisë dhe një vitrinë e një gruaje të qëndrueshme që e bën krenar një komb të tërë dhe për më tepër na ndihmon t’i çojmë emrat tanë edhe atje ku nuk janë dëgjuar më parë.
Ne në Mural Fest dhe më gjerë do të jemi gjithmonë mirënjohës për qëndrimin radikal optimist të Dua-s për jetën, duke na frymëzuar gjithmonë të shohim përtej ëndrrave tona dhe të besojmë në veten tonë”, thuhet tutje në njoftim.
Kujtojmë se Dua Lipa ka qenë, është dhe mbetet një ambasadore e fuqishme për Kosovën, duke kthyer në qendër të vëmendjes globale vendin e saj. Përmes Fondacionit Sunny Hill, ajo ka mbështetur iniciativa të shumta kulturore dhe arsimore në Kosovë. Festivali i saj vjetor Sunny Hill sjell vëmendjen ndërkombëtare dhe nxit ekonominë lokale, duke nxitur skenën krijuese të Kosovës. Dua vazhdon të avokojë për Kosovën në skenën botërore, duke përdorur platformat dhe muzikën e sajj për të promovuar ndërgjegjësimin dhe krenarinë për trashëgiminë e saj.
Përpjekjet e saj kanë frymëzuar një brez të ri kosovarësh që të ëndërrojnë të mëdha dhe të ndjekin pasionet e tyre./Katror.info
Përgatiti:
