Pas debutimit të saj në Paris sopranoja nga Kosova me famë tashmë ndërkombëtare, Elbenita Kajtazi, është vlerësuar lart nga kritikët në Francë.
Disa media kanë shkruar pas debutimit të saj në rolin e Micaelas.
“Micaela është sopranoja e shquar kosovare Elbenita Kajtazi, e cila po debuton në Opéra comique.Me një teknikë vokale të mrekullueshme dhe të paarritshme , një delikatesë të pamohueshme në timbër dhe një mjeshtëri të bukur në fuqin vokale. Ajo ishte jashtzakonisht bindëse në portretizimin e personazhit të brishtë, e paraqitur si një dashnore e pakënaqur e brigadierit”, shkruan mes tjerash një blog i njohur francez, transmeton albinfo.ch.
Mundesh me e lexu edhe...
Ndërsa forumopera e vlerëson interpretimin e Elbenitës si një ndjeshmëri e madhe me zë të kthjellët.
“Elbenita Kajtazi portretizon një Micaela të vendosur, e cila nuk heziton të puthë në buzë Don José në fund të duetit të tyre. Sopranoja kosovare bëri një debutim veçanërisht të shquar në Opéra-Comique. Aria e saj “Unë them se asgjë nuk më tremb”, interpretuar me ndjeshmëri të madhe dhe një zë të kthjellët me nota të larta rrezatuese, i dha asaj një duartrokitje të madhe nga publiku”, shkruan forum opera, përcjell albinfo.ch.
Në anën tjetër France Tv info e quan të kristaltë zërin e sopranos kosovare.
“Një përmendje të veçantë meriton Elbenita Kajtazi e cila mishëron një Micaëla jashtëzakonisht prekëse, të dashur dhe shumë të guximshme. Sopranoja kosovare u duartrokit gjatë në aktin e tretë, kur me zërin e saj të kristaltë arrin të bindë Don José, një ushtar dezertor i dashuruar marrëzisht pas Carmen, që ta ndjekë te nëna e saj që po vdes”, raporton mediumi francez./Katror.info
Përgatiti:
