Elena Ora, motra e madhe e këngëtares së famshme botërore me prejardhje nga Kosova, Rita Ora, ka qëndruar sot në Prishtinë, me ç’rast ka shpalosur pak nga raportet si motra, dhe profesioniste.
“Kalojmë shumë mirë bashkë, jemi si shoqe të ngushta, e nganjëhere edhe ‘përlahemi’ si motra,” shprehet Elena biseda e së cilës përmbylli konferencën dy ditore për muzikë në kryeqytet “Prishtina Musi Conference.”
Mediat britanike, shpesh i kanë kushtuar artikuj të veçantë Elenës, duke shkruar se kur bëhet fjalë për famën, superylli Rita Ora ka një atu – motrën e saj të madhe. “Disa vëllezër e motra mund të jenë xhelozë për famën globale të këngëtares dhe pasurinë në rritje, por jo e përkushtuara Elena. Motrat janë bërë një ekip i mrekullueshëm – që ndajnë një etikë të fortë pune, talent, ambicie dhe pamje mahnitëse,” ka shkruar Mirror.
Mundesh me e lexu edhe...
E sot, Elena tha se Ritën e mbështesin dhe nuk i bëjnë presion që të sjellë vazhdimisht muzikë të re, por duan që ajo të jetë autentike. Sidoqoftë Elena thotë se Rita ka plane të ndryshme për periudhën e ardhshme.
“Jemi duke punuar në shumë sende, filma, muzikë, në shumë sende, do t’i bëjmë bashkë,” tha Elena Ora.
Për Elenën thuhet se është arma sekrete e yllit 32-vjeçar që e ka udhëhequr ngjitjen e saj drejt top-listave dhe suksesit televiziv.
Elena ishte vetëm 18 vjeç kur prindërit shqiptarë të Ritës, të cilët ishin rritur në Kosovë, vendosën se ajo do t’i përshtatej më shumë rolit se ata, sepse ajo kishte qenë në shkollë në Mbretërinë e Bashkuar.
Elena ishte pjesë e konferencës së parë të muzikës në Kosovë dhe rajon, “Prishtina Music Conference”, që mbledh ekspertë të industrisë muzikore nga vendi e bota për të edukuar, inspiruar, dhe për t’u takuar me entuziastë të muzikës../Katror.info
Përgatiti:
