Dr. Venera Berisha-Muharremi është një nga figurat më të njohura në fushën e endokrinologjisë dhe diabetologjisë, jo vetëm në Kosovë, por gjithashtu edhe në nivel ndërkombëtar.
Këto trajtime, të cilat kanë sjellë përmirësime të dukshme në jetën e pacientëve, sidomos te gratë me Hashimoto, po ofrohen në Kosovë si një nga pesë qendrat më të avancuara në botë që ofrojnë këtë trajtim.
Pas publikimeve në arenën ndërkombëtare, të Inovacioneve në Photobiomodulim apo Laserin e gjëndrës tiroide, duke e vendosur Kosovën në njërën prej vetëm 5 qendrave botërore ku kryhet ky mjekim i tiroidës, Prof.Dr.Venera Berisha- Muharremi ka marrë ftesa për të qenë pjesmarrëse në Konferenca të medha botërore, për të ligjëruar për trajtimin me Fotobiomodulim apo Lazer të Tiroidës dhe efektet e mahnitshme të tij në përmirësim të kualitetit të jetës te femrat me Hashimoti dhe se ftesat e tilla nuk kanë të ndalur prej janarit 2025, edhe përtej kontinentit tonë!
Mundesh me e lexu edhe...
Ftesat e fundit i erdhën asaj si ligjeruese në Florida dhe Kanada para liderëve botërorë lidhur me trajtimet e avancuara në lëminë e Tiroidës, Endokrinologjisë, Diabetit dhe Çregullimeve Metabolike, por që shprehet se është detyruar t’i anuloj për shkak të angazhimeve të shumta tashmë të aranzhuara.
Me fillim të vitit 2025, Dr. Berisha ka përjetuar një vit të mbarë, pasi ka filluar të jetë një lidere globale në trajtimet më të fundit në lëminë e tiroidës dhe endokrinologjisë, shkruan Katror.info.
Ajo ka realizuar arritje të jashtëzakonshme në këtë fushë, duke u njohur për përkushtimin e saj në kërkimin shkencor dhe zhvillimin e trajtimeve inovative për çrregullimet endokrine, duke qenë e ftuara e rregullt në konferenca shkencore ndërkombëtare.
Në një postim të fundit në rrjetet sociale, Dr. Berisha, ka mdarë përvojat e saj dhe motivimin që ka udhëhequr gjithë karrierën e saj.
“Mos shko atje ku të çon shtegu. Shko, në vend të kësaj, atje ku nuk ka rrugë dhe lini së paku një gjurmë të mbaheni mend”, është kjo një moto që thotë se e ka ndjekur gjatë gjithë jetës së saj.
Një tjetër vlerësim i madh erdhi kur Dr. Berisha u ftuar të mbante një ligjëratë në Kongresin Global për Diabet dhe Endokrinologji në Dubai, pas publikimit të punës së saj shkencore mbi komunikimin hormonal mes eshtrave, insulinës dhe indit dhjamor te obeziteti.
Ky publikim i saj ka marrë vlerësime të larta nga komuniteti shkencor dhe ka kontribuar në rritjen e ndikimit të kërkimit shkencor shqiptar në mjekësi.
Dr. Berisha-Muharremi është themeluese e Poliklinikës Endomedica në Prishtinë, ku ofron trajtime të avancuara për pacientët me sëmundje endokrine dhe metabolike. Ajo është gjithashtu profesoresha e parë e Mjekësisë Interne, Endokrinologjisë dhe Diabetologjisë në Fakultetin e Mjekësisë, Universiteti i Prishtinës.
Me një doktoraturë të fituar në Universitetin e Zagrebit dhe trajnime në institucione prestigjioze si Universiteti i Oksfordit, Harvardit dhe Perugia-s, Dr. Berisha ka sjellë risitë më të fundit në trajtimin e sëmundjeve endokrine, përfshirë terapinë me laser për tiroiditin Hashimoto.
Ajo ka drejtuar Klinikën e Endokrinologjisë në Qendrën Klinike Universitare të Kosovës (QKUK) nga viti 2018 deri në vitin 2021, duke kontribuar në zhvillimin e shërbimeve të mjekësisë endokrine në nivelin kombëtar dhe duke i dhënë Kosovës një vend të rëndësishëm në hartën globale të mjekësisë endokrine.
Përkushtimi dhe inovacioni i Dr. Venera Berishës po bëjnë që emri i Kosovës të njihet gjithnjë e më shumë në fushën e mjekësisë dhe endokrinologjisë, duke e çuar shkencën kosovare në nivele globale dhe duke lënë gjurmë historike në mjekësi. /Katror.info
Përgatiti:
