Zogjtë flamengo me tipare të ngjashme të personalitetit krijojnë grupime shoqërore me miqtë bashkëmendimtarë. Sipas një studimi të bërë mbi ta, zogjtë flamengo me penda të njëjta formojnë siç i quajmë në përditshmëri “klika” me flamengot me tipare të njëjta të personalitetit, shkruan goodnewsnetwork.org.
Flamengot e Kilit dhe Karaibeve prireshin të formojnë këso klikash me zogjtë me tipare dhe moshë të ngjashme njësoj si njerëzit. Për shembull, zogjtë më të guximshëm ngjiteshin nëpër hapësira më sfiduese së bashku, duke i lënë pas flamingot më të nënshtruar të cilët formuan një grup të vetin.
Ka shpresë se studimi i bërë nga ekspertët e Universitetit të Exeter-it dhe Wildfowl & Wetlands Trust-it (WWT), do të ndihmojë në të kuptuarit më të mire të evolucionit dhe sjelljes sociale të këta zogj, duke përmirësuar kështu mirëqenien e flamingove të kopshtit zoologjik, veçmas atyre të famshmëve rozë të cilët janë specie që rrallë gjendet në krejt botën.
Mundesh me e lexu edhe…
Për të kryer këtë hulumtim shkencëtarët vëzhguan sjelljen e flamingove të robëruar nga Kili dhe Karaibet në rezervatin e kafshëve të egra WWT Slimbridge në Angli.
Të dyja speciet mund të dallohen nga ngjyrat: flamingot e Karaibeve kanë ngjyrë më të ndezur të purpurtë ose të kuqe në të portokalltë, ndërkaq flamingot kilian kanë ngjyrë rozë të zbehtë.
Personalitetet e secilit flamingo u vlerësuan duke matur së pari dallimet indviduale si agresioni i një zogut ose gatishmëria e tij për të eksploruar.
Kërkimet tona paraprake kanë vënë në pah se flamingot individual (të veçantë) kanë miq të veçantë brenda tufës, thotë dr. Paul Rose, bashkëpunëtor kërkimor në WWT. Sipas tij tiparet individuale të karakterit të zogjve ishin përgjigjia pse zogjtë e një pende grumbullohen së bashku.
“Mu si njerëzit, flamingot ndërtojnë role të ndryshme në shoqëri duke u bazuar në personalitetin e tyre”, shpjegon Fionnuala McCully, student hulumtuese në Exeter, që ndihmoi edhe në mbledhjen e këtyre të dhëmave. “Për shembull, ne vëzhguam grupe zogjsh agresivë që pëpiqen të sundojnë rivalët dhe tentojnë të hyjnë në më shumë luftime, ndërkaq roli i zogjve të nënshtruar mund të jetë më i ndërlikuar sepse ata përdorin një qasje të ndryshme për të marrë atë që u nevojitet”.
Ndërsa të dy speciet formuan klikat e tyre, një karakteristikë e flamingove të Karaibeve ishte se zogjtë e një personaliteti të caktuar kishin role të veçanta renda tufës së tyre, dëshmi kjo që nuk vlente për flamingot kilian.
Ndonëse studimet mbi flamengot duhet të vazhdojnë për të zbardhur detaje të tjera mbi jetesën e tyre, deri më tash kemi mundur të kuptojmë se jeta e tyre shoqërore është e ndërlikuar. /Katror.info
Përgatiti:
